Bergara Antzerki Musikalak (BAM!) “Hamelingo Txirularia”, Grimm anaien ipuin ospetsuan oinarritutako ikuskizun musikala aurkezten du. Musika Iñigo Casali iruindarrarena da eta libretoa Iñaki Elizalde iruindarrarena. "El Flautista de Hamelin" operaren euskarazko bertsioa da.

SINOPSIA

Grimm anaiek jasotako kondaira kontatzen du 1284ko ekainaren 26an Hameli herrian jazotako tragediaren inguruan. Arratoi izurrite bati erremedioa aurkitu nahian, txirulari ezezagun batek arratoi guztiak akabatuko zituela zin egin zuen ordainsari baten truke. Bizilagunek proposamena onartu zuten eta txirulariak Hamelingo arratoiak eraman zituen bere xirularen doinura. Arratoiak akabatu eta herritik irten ondoren, auzokoek ez zuten hitza bete eta ez zioten txirulariari agindutako ordainsaria eman. Txirulariak, auzokoek beren hitza betetzen ez utela ikusirik, mendeku gisa, herriko haurrak erakarri zituen bere txirularen soinuarekin, eta herritik eraman zituen. Azkenik, txirulariak, atsekabetuta eta biztanleengan eragindako minaz jabetuta, haurrak itzultzea erabaki zuen.