Edizio berri honetan, Francisco Durrioren Euterpe –arteen musa– eskulturaren protagonismoa baliatuko da kontzertu-ziklo berriaren kokagune izateko. Taldeen eta horien errepertorioen hautaketan sonoritate malenkoniatsuaren bilaketa izan da abiapuntua, eta, hortik, folklorea eta esperimentazio garaikidea uztartzen dituzten estiloetara jo da. Oraingo honetan, Ataria (bat) erakusketaren esparruan, keinu ugari egingo zaizkie, musikaren bitartez, erakusketa osatzen duten lanei eta artistei. 

Kutsu intimista nabarmenarekin, En Claves zikloak topagunearen ideia iradokitzen die parte-hartzaileei, izenari berari erantzunez. Era horretara, museoak sendotu egingo du udako zein neguko denboraldiko kontzertu zikloa, euskal talentu musikalaren ukitu bereizgarriekin eta haiekiko erabateko konpromisoarekin.