Antzerki Aroa euskarazko antzerki zikloa hemen da berriro udazkeneko kultur programazioaren barruan; urriaren 8tik 29ra bitartean lau antzezlan taularatuko dituzte, asteazken bakoitzean bana, Nafarroako Antzerki Eskolan (NAE), arratsaldeko 19:00etan. Antzezpenetarako sarrerak salgai daude Nafarroako Antzerki Eskolako txarteldegian (San Agustin kaleko 33. zenbakian) eta webgunean.

Publiko orokorrarendako prezioa 8 eurokoa da, eta 5 eurokoa euskaltegietan edo Hizkuntza Eskolan euskara ikasten dutenendako. Lau ikuskizunetarako bonua ere badago, 20 euroan.

PROGRAMA:

• ITZULERA (Dejabu)

Urriak 8, 19.00etan, Nafarroako Antzerki Eskolan

• 52 HERTZ (Ados Teatroa)

Urriak 15, 19:00etan, Nafarroako Antzerki Eskolan

• MENDIA (Mikele Urroz Zabalza, Lucía Ezker Rekalde)

Urriak 22, 19.00, Nafarroako Antzerki Eskolan

• ARIZONA (Txalo Produkzioak)

Urriak 29, 19.00etan, Nafarroako Antzerki Eskolan