Ekitaldiak

Bilboko Aste Nagusia 2025: egitaraua

Bilbao 2025(e)ko abuztuaren 16(e)tik 2025(e)ko abuztuaren 24(e)ra
  • Bilboko Aste Nagusia 2025: egitaraua
  • Bilboko Aste Nagusia 2025: egitaraua

Bilboko Aste Nagusia 2025 abuztuaren 16tik 24ra ospatuko da. Bederatzi egun horietan, dibertsioa eta ilusioa izango dira protagonista hiriko txoko guztietan, abuztuaren 16tik (zapatua) abuztuaren 24ra (domeka). Horretarako, hiriak kultura- eta aisia-jardueren programa oso bat prestatu du, eta jarduera guztiak doakoak eta kalitatezkoak izango dira, adin eta gustu guztietako publikoarentzat pentsatuak.

Pregoia Doctor Deseo taldeko musikari Francis Díez Rojo pregoilariak irakurriko du, eta Txori Barrote konpartsako Olatz Agirre Sagarna txupinerak jaurtiko du txupina, eta horrekin hasiko dira ofizialki jaiak abuztuaren 16an, zapatuan, arratsaldeko zazpietan, urtero milaka pertsona biltzen dituen Arriaga Antzokiko balkoi enblematikoan egingo den ekitaldi batean.

Hori izango da , beraz, jaien hasiera ofiziala, eta bilbotarrak zein egun hauetan hiria bisitatzera etorriko diren pertsona asko gozatzeko prestatutako programa bat izango dute.

ESTILO GUZTIETAKO MUSIKA 9 ESZENATOKITAN

Europa parkea

  • Abuztuak 20, asteazkena, 00:00etan: Rozalén
  • Abuztuak 21, osteguna, 00:00etan: Gatibu Gaztearekin
  • Abuztuak 22, ostirala, 00:00etan: Los 40 Sessions Aste Nagusia, Dani Moreno “El Gallo”-rekin eta David Álvarez DJ-arekin
  • Abuztuak 23, larunbata, 00:00etan: DJ Megastar FM (Cadena 100), honako artista hauekin: Nils Van Zandt, Chema Rivas, Kuve y J Kabello

Abandoibarra

Plaza Barria: Munduko musikak

Plaza Barriko programazioa Aste Nagusiko kultur eskaintzarik esanguratsuenetako batean bilakatu da azken urteetan. Urtez urte sendotu da gune hau musika-aniztasuna balioan jartzen duen agertoki irekia eta kultura arteko elkargunea izanik.

Kontzertu guztiak 23:30ean hasiko dira:

  • Larunbata, abuztuak 16: Bilboko Udal Musika Banda + Abraham Cupeiro
  • Igandea, abuztuak 17: Ars Nova Napoli
  • Astelehena, abuztuak 18: Agujetas eta Gualberto
  • Asteartea, abuztuak 19: Rebeca Rods eta Black Light Gospel Choir
  • Asteazkena, abuztuak 20: Mercedes Peón: “Ingrávida”
  • Osteguna, abuztuak 21: Xabi Aburruzaga
  • Ostirala, abuztuak 22: XXXII. Bilbo Reggae Splash 2025: Winston Reedy
  • Larunbata, abuztuak 23: Acetre

Gizakunde eliza: Musika klasikoa

Enkarnazio Elizak musika klasikoko zortzi kontzertu hartuko ditu tokiko, estatuko eta nazioarteko taldeekin, abuztuaren 16tik (larunbata) 23ra (larunbata) arratsaldero, 20:30etik aurrera.

  • Abuztuak 16: ZARUK - Hagadá
  • Abuztuak 17: MUSBIKA ENSEMBLE - Antonio Gaztañetaren bidaia
  • Abuztuak 18: LES SYLVAINS ENSEMBLE Aura soave di segreti accenti
  • Abuztuak 19: IRAGANA BETIKOTZEN
  • Abuztuak 20: ENSEMBLE KURAIA
  • Abuztuak 21: NORTHERN CELLOS - Filmetako biolontxeloak
  • Abuztuak 22: ELAINE ENSEMBLE - Emakume konpositoreen musika berraurkitzen
  • Abuztuak 23: TRIO PHILOMÈNE

Bilborock: Metal, Pop-Rocka

Bilbo berriro ere metal eta pop-rock onenaren erritmoaz gozatzeko aukera izango du aurten bere kartela 16 kontzerturekin itxiko duen “Bilbao Metal, Pop-Rock Erakustaldia”ren 38. Edizioarekin. Zortzi egunez, abuztuaren 16tik, larunbata, eta 23ra arte, bilbotarrek estilo guztietako talde eta artistez gozatuko dute, eta horien artean, berriz ere, emakumeen presentzia da nagusi.

Bilborock areto mitikoaren eszenatokiak egunean bi kontzertu hartuko ditu, 20:00etan eta 21:00etan, eta sarrera librea izango da lekua bete arte, abuztuaren 16tik 23ra, larunbata.

  • Abuztuak 16:
    • 20:00: ELEKTRIKA (Barakaldo - PUNK ROCK ALTERNATIVO)
    • 21:00: JARDÍN INFIERNO (Bilbao - HARD ROCK)
  • Abuztuak 17:
    • 20:00: LUR JOTA (Zorrotza / Bilbao - ROCK)
    • 21:00: DEIEDRA Rebel Folk (Santurtzi - EUSKAL FOLK)
  • Abuztuak 18:
    • 20:00: LOVA LOIS (Astrabudua - RAP KANTAUTOREA))
    • 21:00: MAIALEN IBARRA (Basauri - EUSKAL POP ROCK)
  • Abuztuak 19:
    • 20:00: FLOR Y TROL (Bilbao / Gazteiz - POP&TROLL)
    • 21:00: THE DALTONICS (Bilbao - PUB ROCK GARAJE)
  • Abuztuak 20:
    • 20:00: MERIDIAN (Basauri / Bilbao - ROCK ALTERNATIVO)
    • 21:00: CLARA CORRAL & The Cute Canallas (Bilbao - POP ROCK)
  • Abuztuak 21:
    • 20:00: SAMOAH (Getxo - POP-ROCK ALTERNATIVO)
    • 21:00: REELER (Bilbao - INDIE ROCK ALTERNATIVO)
  • Abuztuak 22:
    • 20:00: WITHREDD (Bilbao - ALT METAL PROGRESIVO)
    • 21:00: MS. MISSERY (Portugalete - ALT ROCK METAL) Abuztuak 23, larunbata 20:00: MALAMUTH (Leioa – ALT ROCK METAL) 21:00: KERNHELL (Bilbao – HEAVY METAL)

Casilda Iturrizar parkeko Pergola: Bilbainadak eta goatekeak

Aste Nagusia ez litzateke gauza bera izango ohiko bilbainadarik gabe. Hori dela eta, Bilboko Udalak Casilda Iturrizar Parkea abesti herrikoiz beteko duten zortzi kontzertu programatu ditu eguerdiro, eguerdiko 12etan, abuztuaren 17tik 24ra, igandea. Lau talde igoko dira agertokira eta txandaka joango dira Bilboko Aste Nagusiko zortzi egunetan zehar.

  • Abuztuak 17: 5 Bilbainos
  • Abuztuak 18: Bilbao Mapamundi
  • Abuztuak 19: Gau Pasa
  • Abuztuak 20: Los Chimberos
  • Abuztuak 21: 5 Bilbainos
  • Abuztuak 22: Gau Pasa
  • Abuztuak 23: Los Chimberos
  • Abuztuak 24: Bilbao Mapamundi

Kasilda Iturrizar Parkeko Pergolak artista eta talde ugari bilduko ditu gauero Aste Nagusian, guateke klasikoak biziberrituz. Bilboko Udalak zortzi saio programatu ditu, bi bikoitzak, abuztuaren 16tik 23ra bitartean.

  • Larunbata, abuztuak 16: DJ Luis Carlos del Pozo (21:00etan) eta 70/80 hamarkadak Radio Nervión-ekin (23:30ean)
  • Igandea, abuztuak 17: Mi Gran Noche, pop espainiarraren arrakasta eta klasikoak (23:30ean)
  • Astelehena, abuztuak 18: Asier Bilbao Show (23:30ean)
  • Asteartea, abuztuak 19: Mariachi Imperial Elegancia Mexicana (23:30ean)
  • Asteazkena, abuztuak 20: Guillermo Garmendia, baladak eta boleroak (23:30ean)
  • Osteguna, abuztuak 21: Los Chimberos, habanera gaua (23:30ean)
  • Ostirala, abuztuak 22: Alejo Stivel (23:30ean)
  • Larunbata, abuztuak 23: DJ Luis Carlos del Pozo (21:00etan) eta Sandro Giacobbe (23:30ean)

Plaza Biribila: Berbenak eta Orkestrak

Zortzi gau jarraian, abuztuaren 16ko larunbatetik abuztuaren 23ko larunbatera, Plaza Biribilak jai-egitarauan gehien espero den hitzorduetako bat hartuko du: dantzaldiak, garai guztietako musika arrakasta handienak ekarriko dituztenak.

Bilboko Udalak zortzi saio bikoitzeko zikloa antolatu du. Lehenengo emanaldia 20:00etan hasiko da, eta bigarrena 23:00etan egingo da, gauak gustu guztietarako zuzeneko musikarekin betez.

Areatzako kioskoa: Bilboko Udal Banda

Bilboko Udal Musika Bandak 11 emanaldi eskainiko ditu guztira Aste Nagusian, horietako bat Sorotan Bele taldearekin elkarlanean Abandoibarran. Tradizioari eutsiz, Bilboko taldeak 8 kontzertuko zikloa eskainiko du abuztuaren 17tik 24ra Areatzako Kioskoan, egunero, 12:00etan hasita. Hiriko gune enblematiko honetan, Bandak giro paregabea sortuko du, eta bertaratutakoek ederki gozatu ahal izango dute: pasodobleak, zarzuelak, klasikoak eta txistulari, gaita-jotzaile zein dantzariekin egindako kolaborazio bereziak izango dira protagonista.

Kontzertu guztiak goizeko 12:00etan izango dira Areatzako kioskoan.

  • Abuztuaren 17a, igandea – “Dantzaren erritmoan”: Dantza tradizional eta herrikoien ibilbide bizia, zarzuela, tango eta jazzaren keinuekin, erritmo klasikoari eutsiz.
  • Abuztuaren 18a, astelehena – Atxuritik Areatzara, Aida, El Caserío edo West Side Story bezalako klasikoen geltokidun bidaia bat, euskal musika, zarzuela eta musikal ezagunak uztartuz.
  • Abuztuaren 19a, asteartea – Zarzuela, samba eta folk kutsuko emanaldi arin eta bizia, non pasodoble, zortziko eta murziar alaitasunaren artean dantzan jarriko den Banda.
  • Abuztuaren 20a, asteazkena – “Erromeria”, musika eta dantza ikuskizuna Ballets Olaeta eta Bilboko Udal Txistulari Bandarekin batera: txistu, ospakizun koloretsu eta partekatua.
  • Abuztuaren 21a, osteguna – “Iberoamerikako haizeak”: Tangoez, habaneraz eta malagueñez betetako ibilbide bero eta sentikorra, magia errealistatik boleroetara.
  • Abuztuaren 22a, ostirala – Elciegoko Gaiteroekin: euskal giroko jaialdia, Irundik Ribaforadara, balts, jota eta dantzekin partekatutako tradizioa ospatzeko.
  • Abuztuaren 23a, larunbata – “Euskal Herriko jaiak”: Diannekin, danbor-jotzeekin eta melodia herrikoiekin amaiera jaiaz betea gure lurraldeko festa tradizionalen omenez.
  • Abuztuaren 24a, igandea – “Bilboko konpositoreak”: Villa honetan sortutako melodiak omentzeko saio hunkigarria, pasodoble, estampa eta bilbotar konpositoreen abestiekin.

KONTZERTU BEREZIAK

  • Abuztuaren 15a, ostirala: 11:30ean, kontzertua Juan XXIII plazan, BEGOÑAKO BASILIKAren ondoan.
  • Abuztuaren 16a, larunbata: 23:30ean, “Erroetatik sortutako oroimena” PLAZA BARRIAn.
  • Abuztuaren 19a, asteartea: 23:30ean, SOROTAN BELE taldearekin emanaldia ABANDOIBARRAn.
  • Abuztuaren 24a, igandea: 13:00etan, Txistularien Alardea PLAZA BARRIAn

KANTUZ KANTU ITSASADARREAN

Gainera, Bilboko Koral Elkarteak bat egingo du Aste Nagusiko musika programazioarekin, Israel Santamaria jazz hirukotearekin batera, eta itsasadarrean barrena ibiliko da abuztuaren 22an, barikuan, 10:30etik aurrera, Kantuz Kantu Zubiz Zubi jai-errepertorioarekin. Ibilbidea Itsasmuseumen hasiko da, eta Euskalduna jauregitik, Deustuko zubitik, Arrupe pasabidetik, Guggenheim Bilbao museotik, Zubizuri zubitik eta Udaletxeko zubitik igaroko da.

ANTZERKI ETA KALEKO ARTEAK

Kaleko Antzerkirako eta Arteetarako agertoki handi bilakatuko da berriro ere Bilbo, Aste Nagusian, 23 ikuskizunekin, 19 konpainiak taularatutakoak; horietako 7 Euskadikoak, 5 estatukoak eta 7 nazioartekoak izango dira. Horretarako enklabeak honako hauek izango dira: Elkarbizitzaren Plaza, aurreko edizioan espazio berri gisa arrakastaz estreinatu zena, eta Casilda Iturrizar Parkeko Pergola, arratsaldero programaziorik familiarrena hartuko duena.

Horrela, Bizkaiko hiriburuak kaleko arte eszenikoen onena hartuko du jaietan, abuztuaren 17tik 24ra bitartean, igandetik hurrengo igandera.

Akrobaziak, musika, magia, clown ikuskizunak eta askoz gehiago protagonista bihurtuko dituzte erakustaldiok jaietan, mundo osoko konpainia nabarmenen eskutik. Itziar Urtasunek nabarmendu duenez, sari ospetsuak merezi dituzten eta proposamen "berritzaileak" dituzten obrak izango dira aurten, hala nola tresna birtualekin labana jaurtitzea; ikusezin bihurtutako kolektiboei ikusgarritasuna ematen dieten obrak; musika klasikoko gai ezagunak, modu lotsagabean eta mugimenduan interpretatuak, eta diskurtso feminista "gaur-gaurko eta ezinbesteko" bati protagonismoa emango dioten beste batzuk.

Haien artean, adibidez, manoAmano konpainia argentiniarra izango, “Kinematos”  bere lana dela eta, Leioako Umore Azokaren 2025eko edizioan Munduko Gainerako Ikuskizun Onenaren saria irabazi duena. Ikuskizun hori, hain zuzen ere, antzeztuko dute Bilbon abuztuaren 20an, asteazkenean; Elkarbizitzaren Plazan, 12:30ean, eta Casilda Iturrizar Parkeko Pergolan, 19:30ean, zehazki.

Gainera, Udalak bertoko talentuarekin duen konpromisoaren ildotik, Euskadiko 7 konpainia izango dira aurten programazioan.

Horretarako, bi agertoki izango dituzte. Alde batetik, Elkarbizitzaren Plazan, ikusleek saio bikoitza izango dute egunero, 12:30ean eta 21:15ean, azken igandean izan ezik, egun horretan goizeko emanaldia baino ez baita egingo (12:30ean).

Beste aldetik, Casilda Iturrizar Parkeko Pergolako agertokian, Txikigunean, emanaldi bat egingo da egunero, 19:30ean, eta umeei eta familiei zuzenduta egongo da.

PROGRAMAZIO IRISGARRIA ETA BERTOKO ANTZERKIAREN ALDEKOA

Abuztuaren 17an, igandean, hasiko da programazioa bi eremuetan, irisgarritasunaren aldeko apustuarekin. Hala, lan askok oso testu gutxi izango dute, eta gainerakoetan zeinu-hizkuntzako interprete bat egongo da.

EUSKADIKO KONPAINIEN artean, eszenatokira igotzen lehenengoa Orain-Bi izango da, eta “Mute” ikuskizuna antzeztuko dute. Bertan, mutaziorako gonbidapena egingo dute, “urrunago, gorago iristeko”. Astelehenean, hilak 18, izango da, 12:30ean, Elkarbizitzaren plazan.

Egun horretan bertan, baina 19:30ean eta Casilda Iturrizar Parkeko Pergolan, Zirika Zirkusen txanda izango da, "Marietak Zirkus" antzezlanarekin maitasuna, elkartasuna, sororitatea eta ahalduntzea defendatuko dituena.

Hurrengo egunean, hilaren 19an, asteartean, euskal konpainiek presentzia izaten jarraituko dute, Teatro Gorakadaren eskutik eta "Bermutaren Kermessea" ikuskizunarekin. Antzerki- eta musika-emanaldi honek genero askotako musika-gaiak eta saltzaile eta hitzontzi ibiltariei egindako omenaldia nahasten ditu, eta kale-espazioa hartzeko pentsatuta dago, joan-etorri eta animazio handieneko unean: bermuaren eta aperitiboaren orduan. 12:30ean izango da, Bizikidetza plazan.

Ostegunean, hilak 21, Markeliñe konpainiaren txanda izango da. 1984tik antzerki bisualetik eta jatorrizko sorkuntzatik hunkitzen ari dira, eta oraingo honetan, "Artilusioa" tituluduna, munduan eta fantasian zehar bidaiatuko dute, liburuz elikatzen den fantasiazko makina handiaren eskutik. 19:30ean izango da, Casilda Iturrizar parkeko Pergolan.

Euskal ordezkaritza duen antzerki eskaintzak Ganso y Cía konpainiaren lanarekin jarraituko du larunbatean, hilak 23. Antzerki ofizioa ikusaraziko dute klasiko handien parodiatik eta haien inguruko estereotipoetatik, "Welcome&Sorry" ikuskizunarekin. 12:30ean izango da, Elkarbizitzaren Plazan.

Igandean, hilak 24, 12:30ean, Elkarbizitzaren Plazan, Trapu Zaharraren txanda izango da, "La última y nos vamos" umorezko lanarekin. Antzezlan horrek kaleko antzerkiko aktore bat du protagonista, ordu txikietan, aretoko antzokian zortea probatzea erabakitzen duena. Eta arratsaldean, 19:30ean, Casilda Iturrizar Parkeko Pergolan, Eleder Magoak bere "Magia Mundiala" lanarekin publikoa harrituko du.

ESTATUKO ETA NAZIOARTEKO 12 KONPAINIA

Gainera, Antzerki eta Kaleko Arte programazioak ESTATUKO ETA NAZIOARTEKO 12 KONPAINIA ere hartuko ditu, tartean, Taiwan, Frantzia, Ingalaterra, Argentina, Belgika eta Italia bezalako herrialdeetatik etorritakoak, eta baita Catalunya, Aragón eta Andaluzia bezalako autonomia-erkidegoetatik etorritakoak ere.

Izan ere, nazioarteko lehen emanaldiak ELKARBITZITZAREN PLAZAren programazioa irekiko du, igandean, hilak 17, 12:30ean, Chieng Hung-Kuo artista taiwandarraren eskutik. Sua manipulatzen, kuboekin egiten den zirku-artea egiten eta kristalezko bolekin egindako ikuskizunetan aditua da artista, eta "Moving Zen" izeneko ikuskizuna eskainiko du. Eta gauean, 21:15ean, Barolosolo konpainia frantziarraren eta "Île O" haien clown ikuskizunaren txanda izango da.

Astelehenean, hilak 18, 21:15ean, Kataluniako Teatro Sobre Ruedas konpainiak zirkua eta umorea zuzeneko musikarekin nahastuko ditu "Revolución" ikuskizunean. Horien bitartez, gure buruei inposatzen dizkiegun muga fisiko eta mentalak, edo gainerakoek inposatzen dizkigutenak, aztertu egingo dituzte, eta zalantzan ere jarriko dituzte. Horrela, ikuskizunaren bidez, kulturan inklusioa eta kulturarako sarbidea sustatuko dute, ikusezin bihurtutako kolektiboak ikusaraziz.

Asteartean, hilak 19, Bowjangles harizko laukote ingelesak, "Classically Untamed" ikuskizunean, musika klasikoko errepertorioko abesti ezagunen interpretazio bereziari ekingo dio, dantza, komedia eta mugimendua erabiliz. 21:15ean izango da.

Asteazkenean, hilak 20, 12:30ean, Argentinako Mar de Platatik helduko da manoAmano konpainia, eta Leioako Umore Azokako 2025eko edizioan Munduko Ikuskizun Onenaren Saria irabazi duen “Kinematos” akrobata bikotearen ikuskizuna eskainiko du. Egun horretan bertan, 21:15ean, Aragoitik iritsiko dira Los Gandules, "Extravagancia" haien ikuskizunean sasi-bertsio musikalak eta komedia nahasten dituztenak.

La Banda de Otro konpainia andaluziarraren “Rodeo” ikuskizun originala protagonista izango da ostegunean, hilak 21,12:30ean, Elkarbizitzaren Plazan. Espazio berean, 21:15ean, eta berriro ere ostiralean, hilaren 22an, 12:30ean, Josianes konpainia frantsesak bere "Art de la résistance" ikuskizuna eskainiko du. Ikuskizun horretan, abestu, dantzatu eta biratu egiten dira, bai eta errebelatu ere, audio misoginoen artxiboen edo sexu-indarkeriaren testigantzen aurka.

Ostiralean bertan, hilak 22, 21:15ean, Belgikatik iritsiko da Company Mindnight konpainia. “Us” haien ikuskizunean, zirku emanaldi berezia eskainiko dute. Bertan, teknologia berriak lagun, malabarismo ukitu tradizionalei ekingo diete, bai eta aiztoak jaurtitzeari ere, baina software programa baten bidez.

Eta hilaren 23an, larunbatean, 21:15ean, zirkuz eta umorez betetako distopia batean murgiltzera gonbidatuko du Aragoiko Nostraxladamus konpainiak, "Nada" ikuskizunarekin.

CASILDA ITURRIZAR PARKEKO PERGOLA, Txikigunean, estatuko eta nazioarteko obren eta konpainien topagunea ere izango da, egunero, 19:30ean. Programazioari hasiera Chieng Hung-Kuok emango dio, “Moving zen” haren ikuskizunarekin, igandean, hilak 17. Asteartean, hilak 19, musika klasikoaren ikuspegi originalaren txanda izango da, Bowjangles konpainiaren eskutik, “Classically Untamed” lanarekin. Hurrengo egunean, asteazkenean, hilak 20, manoAmano konpainiaren akrobazien txanda izango da, “Kinematos” ikuskizunean. Ostegunean, hilak 21, bere aldetik, Civi Civiak Aragoiko konpainiak “Don Bártulos” bere pertsonaia kutuna ekarriko du. Eta abuztuaren 23ak, larunbatak, kutsu italiarra izango du, Agro the Clown artistaren “ImproLocura” ikuskizun komikoari esker.

ORDUTEGIAK:

  • Elkarbizitzaren Plazan, Isozaki Dorreen artean, 12:30ean eta 21:15ean, abuztuaren 25ean, igandean, izan ezik, egun horretan goizeko emanaldia baino ez baita egingo (12:30ean).
  • Casilda Iturrizar Parkearen Pergolako agertokian, Txikigunean, emanaldi bat egingo da egunero, 19:30ean, eta umeei eta familiei zuzenduta egongo da.

EUSKAL KULTURAREN HIRIBURUA

Euskal kulturaren eta herri kirolen hiriburu bihurtuko da Bilbo, berriro ere, Aste Nagusiko 9 egunetan, eguneroko egitarau zabalari esker. Horrekin guztiarekin, Bilboko Udalak euskal kultura, ohiturak eta nortasuna zabaltzeko apustua egiten jarraitzen du.

Abuztuaren 16tik (larunbata) 24ra (igandea), Bilboko kaleetan, Alde Zaharra ardatz hartuta, era guztietako erakustaldiak, alardeak, kalejirak eta hamaika festa egongo dira. Horiei esker, euskal tradizioak, ohiturak eta kultura, berriro ere, protagonistak izango dira Aste Nagusian zehar, herritarren eta Bizkaiko hiriburura hurbiltzen direnen gozamenerako.

Eguneko egitarauan dantzak, Herri Kirolak, Erraldoiak eta Buruhandiak, bilbainadak, bertsolariak, traineruak eta pilota izango dira, besteak beste.

TXISTULARIAK ETA GAITARIAK LEHEN ORDUTIK

Zazpi Kaleak zeharkatuko dituzten txistulari eta gaiteroekin hasiko dira ospakizunak goizero, 10:00etatik aurrera.

11:00etatik aurrera, Erraldoi eta Buruhandien kalejirak hartuko du lekukoa; Pasio-irudien Museotik abiatuta, egunero ibilbide desberdina egingo dute. Bi orduko ibilbideak zuzenean jarraitu ahal izango dira Aste Nagusia 2025 aplikazio ofizialean.

Pertsonaia hauek euren egun handia ere izango dute abuztuaren 24an, igandea, Euskadiko hainbat herritatik etorritako ERRALDOIEN XXXIV. BILKURAN. Musikaren doinuan, Plaza Biribiletik abiatuko dira, 10:30ean, eta 13:00ak aldera iritsiko dira Areatzara.

Gainera, irailaren 14ra arte “Bilboko Erraldoien” erakusketa egongo da zabalik, Mariaren Bihotza Plazako Aztarnategian, 10:00etatik 15:00etara, asteartetik igandera.

BERTSOAK ETA FANFARRIAK 

Gainera, Santiago Plazan, lehen mailako bertsolariak bilduko dira egunero, 13:00etan, abuztuaren 21ean (asteazkena) izan ezik. Egun horretan, 14:00etan izango da, bertso-bazkaria dela eta.

  • Igandea, abuztuaren 17a: Amets Arzallus, Uxue Alberdi, Onintza Enbeita, Arkaitz Estiballes.
  • Astelehena, abuztuaren 18a: EZ DA KASUALITATEA. Oihana Bartra, Maider Arregi, Oihana Iguaran + 2 musikari.
  • Asteartea, abuztuaren 19a: Miren Amuriza, Sustrai Colina, Alaia Martin, Xabat Galletebeitia.
  • Asteazkena, abuztuaren 20a: BERTSO-BAZKARIA. Nerea Elustondo, Gorka Pagonabarraga.
  • Osteguna, abuztuaren 21a: Andoni Egaña, Joanes Illarregi, Nerea Ibarzabal, Julio Soto.
  • Ostirala, abuztuaren 22a: LIBREAN. Maialen Lujanbio, Igor Elortza.
  • Larunbata, abuztuaren 23a: Aitor Mendiluze, Miren Artetxe, Haira Aizpurua, Eneko Lazkoz.
  • Igandea, abuztuaren 24a: Beñat Gaztelumendi, Aner Peritz, Unai Iturriaga, Ane Labaka.

Fanfarrei dagokienez, beste erritmo bat jarriko dute. Abuztuaren 16an (larunbata), Areatza inguruan ibiliko da Sama Siku, 18:00etatik 18:45era eta txupinaren ondoren, 19:15etik 21:15era, txosnei irekiera emanez. Abuztuaren 22an (ostirala) eta 23an (larunbata), Ardoa Barrura eta Adiskideak taldeen txanda izango da, hurrenez hurren, bi txandatan: 13:00etatik 14:30era, Ledesma eta Diputazio kaleetan, eta 19:30etik 21:00etara, Alde Zaharrean.

  • Larunbata, abuztuaren 16a: Sama Siku.
  • Ostirala, abuztuaren 23a: Ardoa Barrura.
  • Larunbata, abuztuaren 23a: Adiskideak.

EUSKAL DANTZAK, PROTAGONISTAK 19:00ETAN PLAZA BERRIAN

Euskal Dantzak, bestalde, 19:00etan hasiko dira arratsaldero Plaza Barrian, Bizkaiko Dantzarien Biltzarraren (BDB) eskutik. Abuztuaren 17tik (domeka) abuztuaren 24ra (domeka) bitartean, jendeak aukera izango du erakustaldiez, erromeriez, larrain-dantzaz eta alardeez gozatzeko.

  • Domeka, abuztuak 17: Zerutxu (Markina).
  • Astelehena, abuztuak 18: Goialde (Erandio).
  • Martitzena, abuztuak 19: Gaztedi (Santutxu).
  • Eguaztena, abuztuak 20: Salbatzaile (Castaños).
  • Eguena, abuztuak 21: Alkartasuna (Bermeo).
  • Barikua, abuztuak 22: Urdaibai-Irrintzi Alai (Forua-Busturia).
  • Zapatua, abuztuak 23: Mikel Deuna (Iurreta).
  • Domeka, abuztuak 24: Beti Jai Alai (Basurtu).

Abuztuaren 19an (martitzena), 20:00etan, "larraina-dantza" jendetsua dantzatuko da, eta Udalak dei egin die herritarrei jantzi tradizionalekin parte hartzeko.

TXIKIGUNEA

Txikiguneak, Casilda Iturrizar parkean, familiak gonbidatuko ditu berdintasunerako bidea egitera, eta NBEren 2030 Agendako Garapen Jasangarrirako Helburuak ere zabalduko ditu. 0 eta 12 urte bitarteko haurrei egokitutako 30 jarduera ludiko baino gehiagoren bidez egingo da, eta, besteak beste, jasangarritasunari, kultura-aniztasunari, erantzukidetasunari, aniztasunari eta giza eskubideei buruzko balioak landuko dituzte.

Abuztuaren 17tik (domeka) 24ra (domeka), gune horrek hainbat familia jarduera eta adin desberdinetako haurrentzat pentsatutakoak bilduko ditu.

Gainera, espazioak irisgarritasun- eta inklusio-neurriak izango ditu; izan ere, autismoaren espektroko nahasmendua (AEN) duten pertsonentzako soinu alteraziorik gabeko ordu tarteak eskainiko ditu.

BALEAREN DESFILEA

Itsas tradizioa kolore, musika eta konfeti eztandarekin uztartuko da aurten ere Balearen Desfilean. Aste Nagusiko lehenengo domekan, abuztuaren 17an, kaleak zeharkatuko ditu desfileak. “Bali” Baleak bere lagun ezinbestekoak elkartuko ditu kalejiran: Olagarroa, Txitxarroa, Txangurroa eta Txirla, arrantzale konpartsak, oihaneko animaliak eta musika-taldeak lagun, Kantauri itsasoko bizitza eta jaiaren erritmoa uztartzen dituen ibilbidean barrena.

Ibilbidea 18:00etan abiatuko da Plaza Biribiletik, Kale Nagusia eta Moyua Plaza zeharkatuko ditu eta azkenik Areiltza Doktorea kalearen inguruan amaituko da.

Aurtengo berrikuntzetako bat Mare Nostrum konpartsaren parte-hartzea izango da. 25 lagunek osatutako konpartsa honek olatu erraldoiak eta dantzan ari diren medusak irudikatuko ditu, Kantauri itsasoaren erritmoa Bilboko Kale Nagusira eramanez.

Ibilbidean zehar ez da faltako itsasoko emakume langileak ordezkatzen dituen Lobas de Mar konpartsa ezaguna: saregileak, neskatilak eta arrain-ontziak betetzen dituztenak; Trokobloco batukada; Santutxuko Sama Siku fanfarrea, haize eta perkusio instrumentuz osatua; arpoinlariak eta haien fanfarrea; Congo Massa ikuskizuna, afrikar faunako panpina erraldoiekin (zebra, antxope, jirafa, hipopotamoa eta tximino familia bat, besteak beste) Bilboko kaleak beteko dituena; eta Brass Street Boys, estilo itsastarrean jantzita, musika eta umorez gainezka.

bilbao.eus

Laburrean

Non