2025eko Bilbao Blues Festival jaialdiaren barne.

• Delaine Pickering (12:30ean)

Bluesarekin konprometitutako gaztea. Talentu gaztea Martha’s Vineyardetik.

Delanie Pickering (Concord, New Hampshire) hogei urteko gitarrista eta abeslaria da, eta Chicago eta Texasko blues estiloak berreskuratzen ditu, swing dosiekin eta New Orleanseko erritmoekin bikain konbinatuz. Gaur egun Johnny Hoy and the Bluefish taldeko kidea da, blues & roots estilokoa, eta era berean, nazioarteko jaialdietan bere kabuz aritzen da eta beste hiru taldetan jotzen du: Rosie’s Ritzy Revue, Black Eyed Susans eta Outskirts.

Pickeringek 15 urterekin hartu zuen lehen aldiz guitarra, bluesarekiko maitasuna deskubritu ondoren, eta bere kabuz jotzen ikasten hasi zen. 18 urterekin, zenbait jaialditan, klubetan eta blues-challengetan aritu zen, batez ere New Hampshire inguruan, eta gainera, “Down Not Home” albuma grabatu zuen.

• Martín Burguez & His Rhythm Combo (14:00etan) 

40ko eta 50eko hamarkaden zaporea tentsio handiarekin

Martin Burguez & His Rhythm Combo seikoteak, Uruguaiko abeslaria eta gitarra-jotzaile moduan Martín Burguez buru duela, Rhythm & Blues klasikoak eta 40 eta 50eko hamarkadetako musikaren herentzia erakargarriak biltzen dituen ikuskizun eta giro beroa eskaintzen du.

Bartzelonako musika taldearen eraginak R&B estiloko artistetatik hasi (Big Joe Turner, Nappy Brown, Chuck Willis edo Tiny Bradshaw) eta “Jump Blues” estiloko erreferente handietara (BB King, T-Bone Walker, Pee Wee Crayton edo eta Johnny “Guitar” Watson) doaz. 40ko hamarkadako estetikan oinarritutako show honek, ikus-entzuleak proposamen fresko eta pertsonaletan murgiltzen ditu, taldeak sortutako abesti eta moldaketekin.

Burguezekin batera, Kataluniako hiriburuaren blues eszenako musikari nabarmenetako batzuk arituko dira, besteak beste, Pere Miró saxo baritonoan, Arnaud Desni saxo tenorrean, Oriol Fontanals kontrabaxuan, Arnau Julià baterian eta Alberto Burguez pianoan. Tradizioa eta gaztetasuna elkarrekin eszenatokian, adrenalinaz beteriko ikuskizuna bermatuz.