Galdakao nazioarteko kulturaren epizentroa bihurtuko da beste uda batez Andra Mari Dantza Taldearen eskutik, Folklore Bizian jaialdiarekin. Euskal Herrian mundu osoko hainbat txokotako dantzak eta musika tradizionalak biltzen dituen hitzordu paregabea da, urtero herrian izaten dena, Udalaren babesarekin. Emanaldiak uztailaren 15ean eta 16an izango dira, asteartean eta asteazkenean, hurrenez hurren, 20:30ean, Kurtzeko plazan.

Bi egunetan zehar, Mexikotik etorritako Fiestas de México talde folklorikoak euren dantzak, jantzi tipikoak, ondarea eta ohiturak erakutsiko dituzte, plaza kolorez, erritmoz eta alaitasunez betez. Hego Amerikako herrialdea ordezkatuko duen konpainiak 15 urtetan zehar Mexikoko folklorea 50 jaialdi nazional eta internazional garrantzitsuen bidez zabaldu du.

Bestalde, Takijistanetik Gaffar Valamzade dantza talde nazionala ere Galdakaora etortzekoa zen, baina azken orduko arazo diplomatikoak direla eta ezin izan dute bisa lortu. Taldea 2001ean sortu zen, Sobietar Batasuna erori, independentzia lortu eta hamar urtera. Beraz, taldea mendearen hasieratik dabil bere herriaren tradizioak munduari aurkezten: mila urte baino gehiagoz islamiar kulturaren zaindari nagusia izan da Mendebaldearen eta Ekialdearen artean dagoen eskualde oraindik ezezagun honetan. Azken orduko arazo hori dela eta ezin izan da Galdakaora etorri Tajikistaneko taldea. 

Folklore Bizian jaialdiaren egitarau osoa honako hau da:

Uztailak 15, asteartea, 20:30ean - Kurtzeko plaza

• Ad Libitum txistu banda (Euskal Herria)
• Andra Mari Eusko Dantzari Taldea (Euskal Herria)
• Mexikoko jaiak (Mexiko)

Uztailak 16, asteazkena, 20:30ean - Kurtzeko plaza

• Mexikoko jaiak (Mexiko)