Ekitaldiak

Amorebieta-Etxanoko Jaiak 2025: egitaraua (Karmenak eta Santanatxu)

Amorebieta-Etxano 2025(e)ko uztailaren 15(e)tik 2025(e)ko uztailaren 27(e)ra
  • Amorebieta-Etxanoko Jaiak 2025: egitaraua (Karmenak eta Santanatxu)

Uztailaren 15etik 27ra bitartean, Amorebieta-Etxano herriko jaietan murgilduko da berriro, zornotzar guztiek asko espero eta estimatzen dituzten egunetan. Udalak egitarau zabala eta askotarikoa prestatu du, adin eta gustu guztietarako diseinatua, tradizioa, musika, kirola, kultura, aniztasuna eta parte-hartzea uztartzen dituena.

Jaiak uztailaren 15ean, asteartean, hasiko dira, 20:00etan, Herriko Plazan egingo den txupinazo eta pregoiarekin. Aurtengoa bereziki hunkigarria izango da, pregoia SDAk eta Karmelitak Amorebieta-Etxanok partekatuko baitute, udalerriarekin duten ibilbidea eta konpromisoa aitortzeko. SDAk bere lehen mendeurrena ospatuko du eta Karmelitak bere 75. urteurrena, hainbat hamarkadatan tokiko kirol eta hezkuntza garapenean lagundu duten bi erakunde oso errotuak.

Aurtengo egitarauak jarduera tradizionalak uztartzen ditu, hala nola kalejirak erraldoi eta buruhandiekin, erromeriak Gozategi eta Akerbeltz taldeekin, marmitako lehiaketa, baserritar azoka eta danborradak: nagusiena uztailaren 24an eta haurrena uztailaren 26an. Uztailaren 27an, Mozorro Egunean, mozorro-desfilea egingo da herriko kaleetan zehar.

Musika eskaintzak kontzertu eta ikuskizunak bilduko ditu herriko eszenatoki ezberdinetan. Besteak beste, Zea Mays, La Otra Oreja, Mocedades, Rulo y la Contrabanda, Bulego, Errobi, Isabel Aaiún, Merina Gris, Puro Relajo Puro Relajo, Heitxi, Tatta & Denso eta Vithy DJ arituko dira.

Jai giroa osatzeko, Gaztedi Berria Fanfarria eta  New Tocados txarangak, Zornotza 11 Kolore aniztasunaren kalejira, Bayo Show disko festa ibiltaria eta Burrunba bezalako elektrotxaranga izango dira. Hitzordu berezienen artean, PRISCILLA (Nafarroako erreginak) funtzio musikala nabarmentzen da, ikuskizun inklusibo eta aldarrikatzailea, programak aniztasunaren, LGTBIQ+ ikusgarritasunaren eta herritar guztiei irekitako kulturaren alde egiten duen apustua indartzen duena.

Hona hemen kontzertuen egutegia:

  • Uztailak 15: Puro Relajo | Merina Gris | Tatta & Denso
  • Uztailak 16: Errobi
  • Uztailak 17: Heitxi
  • Uztailak 18: La Otra Oreja
  • Uztailak 19: En Esenzia, Gozategi + Zirkinik Bez
  • Uztailak 24: Hola Rafaella | Bulego
  • Uztailak 25: Mocedades | Zea Mays + DJ Vithy
  • Uztailak 26: Isabel Aaiún | Rulo y la Contrabanda
  • Uztailak 27: Very Txarrak + Akerbeltz
amorebieta-etxano.eus

Laburrean

Non