Orioko San Pedro Jaiak 2025
Orio 2025(e)ko ekainaren 27(e)tik 2025(e)ko ekainaren 30(e)ra
Ekainaren 27tik 30era ospatuko dituzte aurten San Pedro festak. Aurten ere, Orioko Udalak festa-batzordearekin elkarlanean osatu du egitaraua lau bileretan, eta saiakera egin da adin guztietako herritarrei zuzendutako ekitaldiak antolatzeko. Horrez gain, festak egun bat aurreratzea izan da batzordeak hartutako erabaki nagusietako bat, txupinazoa ostiralean bota eta asteburua hobeto aprobetxatzeko. Hala, ostiraletik astelehenera bitartean ospatuko dira sanpedroak.