Lekuz Leku 2025 programaren barruan. 

“Coreografías de la mirada-Agerikoa” tailerrean bi egunez lan egiten, ikertzen eta sorkuntza eszenikoan aritu ondoren, emaitza jendearentzako emanaldi batean erakutsiko da, eta horretan tailerrean parte hartu dutenek itsutasunetik esperimentatuta sortu duten konposizio koreografikoa ikusteko aukera egongo da. Hala, laborategi-tailerrak jorratuko duen kultura bisual garaikidearen gaineko hausnarketa bertaratuko direnekin partekatuko da.

Sinopsia: 

Selma (Björk) etorkin txekiarra da, ama ezkongabea, eta AEBetako herri txiki bateko lantegi batean lan egiten du. Musikazaletasuna du salbazio bakar, eta bereziki gogoko ditu Hollywoodeko musikal klasikoetako abestiak eta dantza-emanaldiak. Selmak sekretu ilun bat ezkutatzen du: ikusmena galtzen ari da, eta semeak gaitz bera izango du ebakuntza egiteko dirua lortzen ez badu. Etsita dagoen auzoko batek Selmari aurrezkiak lapurtu izana faltsuki leporatzen dionean, Selmaren bizitzaren dramak amaiera tragikoa izango du ezinbestez.