Arriaga Antzokiak Eskola Antzerkiaren Urteroko XXVIII. Gala hartuko du igandean, ekainak 1. Ekitaldia arratsaldeko 17:00etan hasiko da eta edizio honetako muntaia irabazleak ikusi ahal izango dira.

Bilboko Udalak 1995. urtetik bultzatzen du Bilboko ikastetxeen artean lehiaketa hau, haurren artean Arte Eszenikoak sustatzeko helburuarekin.

? Ekitaldiaren egunean Arriaga Antzokiko leihatiletan erreserbatutako gonbidapen kupo bat egongo da publiko orokorrari zuzenduta.

Hauek dira edizio honetan hautatutako zazpi muntaiak:

• TXURDINAGA BEHEKOA INSTITUTUA: Lan eszeniko orokor onena - “Azken asteburua challenge”
• VDA. EPALZA ESKOLA: Proposamen eszenikorik originalena: - “Maitasunaren hazia”
• IBARREKOLANDA INSTITUTUA: Obraren alderdi teknikoak hobeto konpontzea - “Metropolis”
• ELLACURIA ZURBARAN ESKOLA: Antzerki, dantza, zirku edo beste edozein diziplina eszenikoren modalitateak berreskuratzeko lan onena - “Ez nago bakarrik”
• AVE MARIA IKASTETXEA: Lehen hezkuntzako lanik onena - “Mucha mierda”
• ESCLAVAS FÁTIMA IKASTETXEA: Bigarren hezkuntzako lanik onena - “Páginas de dolor”
• VDA.EPALZA ESKOLA: Epaimahaiak izendatutako accesit saria – “Misterioa tren bidaian”

Zazpi proposamen horiek 300 euroko saria jasoko dute eskudirutan. Era berean, lehiaketan parte hartzen duten guztiek laguntza ekonomikoa jasoko dute egindako lanagatik, baita diploma bat ere.

Eskola-antzerkiaren Lehiaketa eskola-umeak protagonista dituzten antzezpen, egokitzapen edo sorkuntza propioen erakusketa bat da. Edizio honetan, 8 eta 17 urte bitarteko 365 ikaslek hartu dute parte, Bilboko 11 ikastetxe publiko eta pribatutako 20 antzerki-taldetakoak.