Marrazketa eta Pintura ikasleen lanen erakusketa Kultur Etxean, ekainak 12 arte

Ikasturtea amaitzear dagoen honetan, Arkatza elkarteak Kultur Etxean eskaintzen dituen Marrazketa eta Pintura eskoletan dabiltzan ikasleen lanak jarri dira ikusgai Kultur Etxeko erakusketa gelan, urtean zehar ikasle hauek egiten duten lanaren erakusle.

Maiatzaren 30etik ekainaren 12ra, astelehenetik ostiralera 17:00etatik 20:00etara egongo dira ikusgai.

Eta ikasturtea amaitzea badoa ere, Arkatza elkarteak uztailerako antolatu duen marrazketa ikastaro trinkoan izena emateko epea maiatzaren 30ean amaituko dela gogora ekarri nahi dizuegu.

Era berean ekainaren 2tik 27ra egin ahal izango da datorren ikasturtean, 2025-2026, eskola hauetan parte hartzeko matrikula.