Ostiralean, maiatzak 30, hasiko dira Bekea auzoko Asentzio jaiak, eta hurrengo igandera arte, hilak 8, iraungo dute. Astean zehar 4 jaiegun ospatuko dira, eta amaiera emango zaie ohiko Lasai Eguna eta Txakolin Egunarekin, jaiotan lagundu duten pertsona eta erakundeei eskerrak emateko.

Halaber, antolatutako jardueren artean honako hauek dira azpimarratzekoak: Andra Mari Dantza Taldeko gaztetxoen emanaldia, Adiskide Pilota Elkarteak antolatutako esku-pilota partidak, III. Tortilla Txapelketa, Ganguren Mendi Taldeak antolatutako mendi-ibilaldia, Arkaitz Estiballesen bertso saioa eta Da Capo musika bandaren eta Galdakaoko txistularien emanaldiak.

Hau da Bekeako Asentzio jaietako egitarau osoa 

Maiatzak 30, ostirala: Txikien Txoko Txukuna

• 18:00. Txupinazoa, ‘Txipli-txapla-pum!’ kalejira eta Andra Mari Txiki dantza-dantzari
• 18:30. Esku-pilota partidak, Adiskide Pilota Elkartearen eskutik

Maiatzak 31, larunbata: Auzokoen Eguna

• 11:00. III. Tortilla Txapelketa
• 12:30. Gazteentzako jolasak
• 13:30. Auzokoen bazkaria
• 18:00. IX. Euskal artzain txakur lehiaketa 
• 21:30. Musika jaialdia

Maiatzak 1, igandea: Asentzio Eguna

• 09:00. Mendi-ibilaldia, Ganguren Mendi Taldearen eskutik
• 12:00. Meza Nagusia
• 12:30. Da Capo musika banda eta Galdakaoko txistulariak, eta Andra Mari Eusko Dantzari Taldearen erakustaldia
• 15:00. Herri bazkaria, bertsolariak (Estiballes&Company) eta erromeria Etxebarria Aita-Seme Trikitilariaken eskutik
• 21:00. Jaien amaiera eta azken Biribilketa

Maiatzak 8, igandea: Lasai Eguna eta Txakolin Eguna

• 13:00. Eskerrak laguntzaileei. Txakolin dastaketa