ESAS — Emakume Sortzaile eta Artisten Sarea — "Erreferenteak, kontakizunak eta boterea: konpasa markatzen duten emakumeak" izeneko mahai-ingurua antolatu du larunbat honetan, maiatzaren 24an, 10:30etan, Bilbon, BBK Kunan. Topaketa horrek emakumeek musika klasikoan duten rolaren eta eraldaketa kulturalean duten eraginaren inguruan hausnartzea du helburu.

Ekitaldi hau ESASen (con)promESAS ekimenaren parte da, ESASek Arte Eszenikoen eta Musikaren Institutu Nazionalaren (INAEM) laguntzarekin sustatutako hainbat jarduera, sorkuntza garaikidea hainbat espazio eta komunitaterekin lotzeko helburuarekin.

Ikuspegi, konpromiso eta ibilbide desberdinak partekatzen dituzten hiru profesionalek parte hartuko dute:

• Alba Compte, musika ikertzaileak, ESAS-Musikene 2024 saria jaso du Emma Chacon konpositoreari buruz egindalo lanagatik.
• Nerea Alberdi, zinema eta telebistarako musikan espezializatutako konpositorea, soinu-sorkuntza garaikidean eskarmentu handia duena.
• Ane López de Aguileta, klarinetista, ikertzailea eta Bartzelonako Unibertsitateko irakaslea. Musikako botere- eta genero-egituren azterketa kritikoan oinarritu du bere lanaren zati bat.

Topaketak belaunaldien arteko elkarrizketarako espazio bat irekitzea du helburu; non aztertuko den, nola eraikitzen diren emakumeen erreferenteak musikan eta zer rol duen narratibak haien ibilbideak sendotzean — edo ikusezin bihurtzean —.

Ondoren, publikoarekin hitz egingo da eta mokadutxo bat eskainiko da topaketa giro lasaian ixteko.