Gonb.: Manu Paja

Rangun, Myanmar, 1917. Edward, Britainiar Inperioko funtzionarioa bera, beldurrak jota dago, eta alde egingo du Molly andregaiarengandik, ezkontzeko etorriko den egunean. Ihesi egindako bidaian, bere buruari galdetzen dio zertan ote den Molly. Baina Molly ezkonduko dela erabakita dago, eta haren arrastoan joango da Asian barrena. Hala, bidaia bati ekingo dio Asia hego-ekialdetik, Rangundik Shanghaira, Manilatik pasatuz.

Herrialde horietan milaka urtetako kulturak nahasten dira Mendebaldeko kulturarekin, eta elkartze hori bilatuko du filmak: Gomesek melodrama exotiko eta erromantiko bat aurkeztuko digu, eta nostalgia apur batez gogoratuko du literatura koloniala.

Narrazioan, nahasian agertuko dira ekialdeko txotxongiloen irudiak, protagonisten istorioa birsortuko dutenak.

Nabarmentzekoa argazki zoragarria, kolorea etengabe aldatzen duena, eta zuri-beltza, ageriko motiborik gabe darabilena.