Musoen Nazioarteko Egunaren barruan, Ziortza-Bolibarko Simon Bolivar Museoan Itsu koplak ikuskizunaz gozatzeko aukera izango da.
Josune Aramendi bertsolariak eta Unai Iturriaga bertsolariak Ziortza-Bolibarren argazki sorta batean inspiratutako bat-bateko istorio bati forma emango diote. Proposamenak ikusizko sormena eta ahozkotasun tradizionala uztartuko ditu. Publikoa parte hartzera gonbidatuko da bertso-paperak abestuz — bertso idatziak —, horrela partaidetza kolektiboa sustatuz. "Nola ikasi zenuen euskara?" galdera izango da ardatz nagusia, tradizioa eta gaurkotasuna agertoki berean uztartzen dituen ikuskizunean.
Errementarikua baserriak hartzen du 1983az geroztik Simón Bolívar Museoa. Donejakueren kostaldeko Bizkaiko ibilbidearen ondoan dago.
Museoaren bildumek girotu egiten dituzte, batetik, Erdi Aroko bizkaitarren bizimodua eta, bestetik, Simón Bolívarren ibilbide pertsonala eta politikoa.
- Beheko solairuan: Simón Bolívarren ikonografia dago. Aldi baterako erakusketak ere hemen ipintzen dira.
- Lehen solairuan: Erdi Aroari buruzko informazioa dago (paisaia, abeltzaintzan eta nekazaritzan oinarrituta egiten zuten bizimodua, Bolibarreko eta Ziortzako elizek izan zuten garrantzia, ikatza egiteko egurrari zelan ateratzen zioten probetxua, jarduera ekonomikoak –burdingintza eta errotak–, eta hiribilduak zelan sortu ziren)
- Bigarren solairuan: Simón Bolívarren biografia kronologikoa dago (Venezuela, 1783-Kolonbia, 1830). Bolívarren genealogia, Europara egin zituen bidaiak, Bilbon eta Madrilen egin zuen egonaldia, Bolívarren atal politikoak, eta Independentziaren geografia).