Musoen Nazioarteko Egunaren barruan El Pobal Burdinoal hainbat jarduera antolatuko ditu:
- Larunbata 17: Topaketaren artea: egurra, burdina eta sua
Jose Pablo Arriaga artistaren hitzaldia eta erakustaldi zuzena
Maiatzaren 17 larunbatean, Museoen Nazioarteko Eguna (MNE) ospatzeko, Jose Pablo Arriaga eskultorearen bisita izango dugu. Bere lanaz hitz egingo digu, eta bereziki, 2024an El Pobalen inauguratu genuen “Haize-orratzak Bizkaian” aldi baterako erakusketarako sortu duen piezaz. Tradizioa eta abangoardia lotzen dituen proposamen artistikoa, burdinaz forjatutako haize-orratz historikoak besarkatzen dituzten egur kurbatuko pieza iradokitzaileen bidez.
Bere sormen unibertsoan, zurak, suak eta burdinak hitz egiten dute tentsio eta kurba dantza batean. Arriagak intentsitatez arakatzen du materia: egurra bihurritu eta indarrez moldatzen du angeluzuzena borobil bihurtu arte eta zurruna mugimendu.
Jardunaldian zehar zuzenean lan egiten ikusi ahal izango dugu, bere sormen prozesua eta aurkakoen arteko harmonia inspiratzailea lortzeko metodoak jarraitu ahal izango ditugu.
Hau da gure aldi baterako erakusketaren lehen agur-ekitaldia. Amaitzeko, ekainaren 7an, larunbatean, haize-orratzen bidez arte unibertsalari buruzko hitzaldi bat emango du Jesús Muñiz historialariak.
Ordutegia: 11:00 h.
Doako jarduera.
- Igandea 18: Doako bisita gidatuak errota-burdinolara.
Ordutegia: 10:00, 11:00, 12:00 eta 13:00etan.
Erreserba 629 271 516 edo elpobal@bizkaia.eus bidez egin behar da.
El Pobaleko Burdinola:
Muskiz udalerrian El Pobaleko Burdinola dago: lantegi hidrauliko bat, burdin harria landu, eta mota guztietako lanabesak eta tresnak egiten zituena. Muñatones Gaztelutik eskualdea mendean zuen leinuak eraiki zuen burdinola XVI. mende hasieran, Salazar leinuak, alegia, eta 1965era arte iraun zuen lanean.
Osperik handiena XVII. mende amaieran izan zuen, tailerra handitzearekin batera, azpiegitura hidraulikoa berreraiki zuten garaian. Hala ere, gaur egun ikusgai ditugun hainbat eraikuntza eta makineria XIX. mende amaierakoak dira. Garai hartan, azken olagizonak eginahalean ari ziren, teknologikoki aurreratuago zegoen aro berri batean lehiakorrak izaten jarraitzeko.
Burdinolaren inguruan, produkzio-gune oso bat zegoen antolatuta: olagizonen etxebizitza, irin-errota, ogi-labeak, baratzak eta mendiak, egurrez zein ikatzez hornitzeko.
2004. urtean ateak zabaldu zituenetik, museo bizia da El Pobal; izan ere, Bizkaiko industriaurreko jarduerarik inportanteenetako bi erakusten dira bertan: burdingintza eta errotaritza. Ingurune eder hau bisitatzera Barbadun ibaiaren ertzetara hurbiltzen diren guztiek bi makina hidraulikoak abian ikusteko aukeraz gozatu ahal izango dute.