Bilbao BBK Live jaialdiaren atarikoa, Herrian, larunbat honetan, maiatzak 17, ospatuko da Abanto Zierbenan. Zuzeneko musika guztiontzat eskura egon dadin sustatu nahi da eta, inpaktua dakarren funtsezko ondasun den aldetik, baita proiektuak kulturarekin duen konpromisoa berrestea ere.

Abanto Zierbenako Udalaren, Petronorren eta BBK Banku Fundazioaren eta Industria Sortzaileak Fundazioaren arteko lankidetzari esker, Abanto Zierbenako kaleak musikaz beteko dira herritarrentzako sarbide libreko jardunaldi batean, 13:00etatik 23:00etara bitartean publiko guztiarentzat pentsatutako programazio anitzarekin.

Herrian programaren bi eszenatokiak Blasco Ibañez parkean eta Eusko Gudariak plazan egongo dira. Hasteko, Amona Molona proiektuaren ikuskizun ludikoa izango da ikusgai, belaunaldiarteko publikoari zuzenduta; horren ondoren, Los Niños Jesús, Jordi Évole kazetaria buru duen bertsiotaldea. Confeti de Odio taldearen pop malenkoniatsuaren txanda izango da gero, Galernaren rock alternatiboa, eta ironia eta punk jarrera uztartzen dituen Las Petunias. Arratsalde partean, egunerokotasuneko pop emozionala eskainiko du Jimena Amarillok, eta jarraian Aimarz izango dugu, new pop euskaldunaren promesa berria. Eguna amaitzeko, Amatria artistak elektronika eta pop dantzagarria nahastua sortzen dituen doinuak ezagutzeko aukera izango dugu; The Soulers taldearen soul eta rock and roll klasikoarekin jarraituko dugu; eta Ben Yart karismatikoarekin bukatuko dugu, rap sailkaezin eta bizi-biziarekin.

Ekimen honek iraunkortasunaren eta inklusioaren aldeko apustua egiten jarraitzen du, ingurunearekin arduratsua eta herritar guztientzako irisgarria den ekitaldi bat bermatuz.

Mapa (PDF 491KB)

Kontzertuak (PDF 156KB)

Kartela (PDF 184KB)????