Jose Antonio Rubio “PELI” argazkilaritza betidanik gogoko izan duen santurtziarra da. Pandemia garaian urratsa eman eta argazki-kamera erosi ostean, zenbait ikastaro egin zituen. Harrez geroztik are gehiago zaletu da argazkilaritzarekin eta urtetik urtera hobetuz joan da. Denetiko saioak egin ditu, 100 bat, eta gehiago egiteko deitzen diote. Hortaz, gogoko du egiten ari dena.

Garrantzitsua da argazki-kameraren parametroak ezagutzea eta gustuz editatzen jakitea, argazkilaritza argia delako bai, baina begia duelako aliaturik onena.

Lagun argazkilari batzuek animatu zuten seriotan har zezan, eta azkenean jaramon egin zien. Gaur egun lanen bat edo beste kendu eta guzti egin die!! Kar, kar…

Urratsa eman eta ametsak gauzatzera animatu nahi zaitut, ziur kritikak jasoko dituzula (ondo egiten ari zarelako seinale), batzuetatik ikasi egingo duzu, baina beste batzuk antzarak ferratzera bidaltzea izango duzu hoberena, inbidiak tren hori ere hartzen du eta.