Apirilaren 30ean, Dantzaren Nazioarteko Egunaren harira, Udalak, Eibarko akademiek eta dantza-eskolek jardunaldi berezi bat egingo dute beren eguneroko lana ezagutarazteko. Lan horretan azpimarratzekoa da estiloen aberastasuna eta aniztasuna, eta baita prestakuntzan, sorkuntzan, interpretazioan eta sustapenean egindako lana ere. Dantza-saioek musikaz eta dantzaz jantziko dute hiria, adin guztietako pertsonek parte hartzen duten koreografiekin. Jaia amaitzeko erromeria izango da GAUARGI taldearekin.