2001ean, Espainiako historian lehenengoz, emakume batek irabazi zuen politikari bati jazarpen sexuala egotzita egin zioten epaiketa. Nevenka Fernándezek alkate bat eserarazi zuen akusatuen aulkian. Lehenengo #MeToo kasua izan zen estatuan, eta auzitegiek arrazoia emakumeari eman bazioten ere, publikoki estigmatizatua izan zen. Orainalditik begiratuta, kasuak izan ginenaren irudia erakusten digu; aurreratu duguna ikus dezagun baina baita zauriak ere. Gaur egun, oraindik ere, «Nevenka» ispilua da haren aurretik izan ziren eta ondoren etorri diren emakumeentzat; aldatu egin den —edo agian ez hainbeste— gizarte baten isla da.

Fitxa artistikoa:

• Dramaturgia eta zuzendaritza: Maria Goiricelaya
• Zuzendari laguntzailea: Ane Pikaza
• Antzezleak: Gema Matarranz, Ales Furundarena, Marta Megías
• Eszenografia: Álvaro Gómez Candela
• Argiztapena: David Alcorta
• Soinu-espazioa: Ibon Aguirre
• Musika: Ibon Belandia

Web ofiziala: https://histrionteatro.es/espectaculos/nevenka/