Fantasia, magia, kolorea, soinu-banda handiak eta Disney faktoriako abestiak. Haur eta gazteen bost abesbatzak zortzi film enblematikoren mundu magikora hurbilduko gaituzte eta filmetako kantarik esanguratsuenak abestuko dituzte (´Lehoi erregea´, Coco, ´Ederra eta Piztia´, ´Frozen´, ´Aladdin´, ´Encanto´, ´Sirenatxoa´). Koruen moldaketa horiek performance bertsioan interpretatuko dira, mugimendu eszenikoaz, koreografiaz eta jantziez lagunduta. ´Getxo Eszena Irekia´ deialdian hautatutako ikuskizuna.