"Esteban Elizondo eta Jose Luis Frantzesena izan dira ziklo honen bultzatzaileak Fray Joseph de Echeverria elkarteak lekukoa hartu zien arte. Gure esker ona eta aitortza denei, aurrekoei eta oraingoei, organoa eta organoaren mundua ezagutarazteagatik eta gozatzeko aukera emateagatik ".
Fray Joseph Echevarria Elkarteko kide Itziar Urbietaren hitzetan, askotarikoa eta gustagarria den egitaraua antolatzen ahalegindu dira. Kanpotar organista entzutetsuek eta bertakoek hartuko dute parte, beste hainbat musika tresna eta ahots taldeekin, nahiz eta beti protagonismo nagusia organoari eman.
Loiolako Basilikan, eta Bergarako eta Azkoitiko parrokietan hamar kontzertu eskainiko dira urrian. Azkoitian, hilaren 5ean, 12an eta 19an izango dira kontzertuak, 20:00etan.
“Egun ezberdinak finkatu ditugu denok kontzertu guztietara joateko aukera izan dezagun”.
Mikel Ansola organistak eta DOS-I Taldeak irekiko dute zikloa Azkoitian, Iñaki Carcamoren zuzendaritzapean. Ansolak, Stuttgarteko Petruskircheko organista titularrak, esperientzia handiko kantariek osatutako ahots taldea izango du lagun.
Hilaren 12ko kontzertuan Loreto F. Imaz organista eta Ainhoa Zubillaga mezzosopranoa izango dira protagonista. Gabriel Urbain Faureri omenaldia egingo diote bere heriotzaren mendeurrenean.
Nathan Laube organistak emango dio amaiera zikloari Azkoitian. Organo irakaslea da New Yorkeko Eastman School of Music-en eta nazioarteko aholkularia organo ikasketetan Birminghamgo Kontserbatorioan.

Programa osoa ikusi