2024ko Rataplan Jaialdiaren egitarauaren barruan.

Ikuskizun honek kaosaren ikuspegi poetikoa proposatzen du, festa apetatsu baten aldeko ausazko hainbat ekintza, inoiz amaitu nahi ez duen jaia. Hiru pertsonaia daude “Bardo” (tibetarren arabera, bizitza baten eta hurrengoaren arteko unea) egoeran. Han, umorezko eta irudimenezko mundu surrealista bat sortzen dute, eta akrobazien eta objektuen manipulazioaren bidez lortzen dute ikusleengan harridura eta desorientazioa eragitea. Ikuskizun dinamikoa, magikoa eta erakargarria familia osoarentzat.