ARTEA ARO DIGITALEAN / Aitzindariak etorkizuna gidatzen Donostiatik
Tokens eta artelanen ziurtagiri digitala: bildumazaletasunaren eraldaketa digitala

DEIALDIA

• EGUNA: Ostirala, irailak 13 / 11h
• LEKUA: Arteko Gallery / Iparraguirre, 4

Jaime de los Ríos artistaren EXTEND3D: Formaren Arazoa erakusketa Arteko Gallery-n, Niio plataformak aukeratu du mundu osoko milaka pantailatan zabaltzeko. Gainera, blockchain-ean estatu mailan digitalki ziurtatutako lehen erakusketa da, eta dagoeneko Pau Waelder nazioarteko komisarioak ondutako euskarri digital handiko nazioarteko sare baten parte da.

IREKIAK Gallery Weekend Donostiaren esparruan, Artekok "Artea Aro Digitalean" topaketa antolatu du artearen eta teknologia berrien bildumazaletasunari buruz, Bakarts ziurtagiri digitaleko enpresarekin batera. Blockchain teknologietan espezializatutako startup gipuzkoarra da, eta eduki artistiko eta kulturalean soilik aritzen da. Horrela, Bakarts enpresak artelanen ziurtagiri digitalaren bertuteak erakutsiko dizkio publikoari, teknologia berritzaile hori nola aplikatu azalduko du, artisten eta bildumagileen arteko ondasun digitalen transakzioei segurtasuna emanez, eta burbuilaren osteko NFTen balioa bezalako polemikak ere jorratuko ditu.

Artelanak ziurtatzeko modu berri hau sartzeko asmoz, Artekok prentsari, sektoreko profesionalei, erakundeei eta interesa duen publikoari dei egiten die laster arte-bildumak gidatuko dituen etorkizuneko gaurkotasunean murgilduko gaituen dibulgazio-saio honetara.