Bilboko 2024ko Aste Nagusia

Slide Funk&Soul talde ikaragarria da, denek aipatzen dutena eta azken aldiko errebelazio taldea izaten ari den taldea.

Chuma Segura da zuzendaria, herrialde honetako gitarrista eta konpositore onenetarikoa. Chumak bere Slide bandarekin birtuosismo musikalaren konbinazio aparta aurkezten digu; soul, blues, funk eta rockez blaitutako kantu propioak, eta “Hey Jude” (The Beatles), “Jumping Jack Flash” (R.Stones) edo “I say a little prayer” (A.Franklin) abestien bertsio ikusgarriak, harrituko zaituztenak.

Nazioarte mailako musikari handiak, Tower of Power, Incógnito edo Aretha Franklin bezalako artisten inbidiarik ez diotenak. Plaza Barriko gaua esperientzia musikal paregabea eta ahaztezina bilakatuko dutenak.