Bilbao 1984 – Un asunto de txapelas antzezlanak duela berrogei urteko Bilbo ekarri zuen Biltzar eta Musika Jauregira. Gaur egungoaren oso bestelako erretratua, industrializazioak Hiribilduaren paisaia eta ontziolak, besteak beste Euskalduna, eraikin nagusitzat hartuta. Hirian nabarmen diren aldeketa horiek, hala ere, ez dira hainbeste hiriburuaren esentzia kontuan hartuz gero. Garai hartako jendearen jarrera asko errepikatu egiten dira, eta nagusi den giroa, tarteka, oso antzekoa da. Are gehiago, aldatu ez diren hauek dira 0D Aretoan antzeztuko den historiaren ardatzetako bat: Athletic taldea. Zuri-gorriek Maradonaren Bartzelonaren aurka jokatuko zuten Kopako finala eta testuinguru horretan Aitor Tilla Txetxintxa Txapelen lantegiko bulegoetara joango da lan eske. Txetxu Txintxarreta bere lankide ohiak zuzentzen du enpresa, eta hautaketa prozesu bitxi bat igaro beharko du.

Gorka Aguinagalde eta Txemi Parra dira umorez, nostalgiaz eta itxaropenez beteriko antzezlan honetako protagonistak. Egoera komiko eta sinesgaitzekin. Laurogeiko hamarkadakodako Bilbora itzulera hau Gurutze Beitiak zuzentzen du. Bere eszenatoki gaineko esperientzia luzea zuzendaritzara eramaten du oraingo honetan ondoen egiten dakien gauzetako bat egiteko: publikoaren barrea eragitea.