Antolatzaileek honela aurkezten dute hitzaldia:

"Urdaibai natura- eta kultura- aberastasun handiko ingurunea da, UNESCOk 1984an Biosfera Erreserba izendatua. Bi Guggenheim Museo eta horiek behar duten azpiegitura guztia eraikiz, Urdaibaiko erreserba masen turismoa erakartzeko gune bihurtu nahi dute, biosferaren bihotza okupatuz eta itzulezinak izango diren kalteak eraginez. Guzti hori diru publikoarekin.

Urdaibaiko ondare historiko eta naturala interes pribatuen mesedetan nabarmenki ustiatzeaz gain, Busturialdeako eskualdea turismora bideratu nahi dute erabat, turisten etorrera masiboak herritarren bizi-baldintzetan eta tokiko ehun sozio-ekonomikoan eragingo lituzkeen ondorio kaltegarriak aipatu gabe. Kulturaz eta arteaz baliatzen dira turismoan eta ostalaritzan oinarritutako negozio pribatuak sustatzeko."

Informazio gehiago: Guggenheim Urdaibai Stop.

Antolatzailea

Satorralaia, Bizilagunekin, Haritzalde, Ekologistak Martxan.