Mujeres y poder. Un manifiesto

Mary Beard ez da soilik nazioarteko klasizistarik ospetsuena; feminista konprometitua ere bada, eta hala agertzen da maiz sare sozialetan. Liburu honetan, ironiaz eta jakinduriaz, historiak emakume eta emakumezko pertsonaia boteretsuak nola tratatu dituen erakusten du. Horren adibideak mundu klasikotik gaur egunera bitartekoak dira: Penelope, Medusa edo Atenea, Theresa May eta Hillary Clinton. Beardek misoginiaren oinarri kulturalak aztertzen ditu, emakumeen ahots publikoa, emakumeek boterearekin duten harremanari buruzko gure uste kulturalak eta emakume boteretsuek eredu maskulino baten mende jartzeari zenbat eusten dioten kontuan hartuta.

Sare sozialetan jasan dituen sexismo- eta genero-erasoko esperientziei buruzko hausnarketa pertsonalak eginez, egileak galdetzen du: emakumeak boterearen egituren barruan daudela hautematen ez bada, ez al da beharrezkoa boterea birdefinitzea?

Winifred Mary Beard

(Much Wenlock, 1955eko urtarrilaren 1a) ikasketa klasikoetan espezializatutako akademiko ingelesa da. Cambridgeko Unibertsitatean katedraduna da, Newnham Collegeko "fellow" eta Royal Academy of Arts-eko antzinako literaturako irakaslea. The Times Literary Supplement-eko klasikoen editorea da, eta A Don 's Life blogaren egilea (Don baten bizitza/"Don" terminoa Oxbridgeko kulturan katedradunaren baliokidea da /), The Times-en argitaratu zena zutabe erregular gisa. Hedabideetan maiz agertzen direlako eta jendaurrean egiten dituen adierazpenengatik, batzuetan polemikoak, «Britainia Handiko klasizista ezagunena» bezala deskribatu izan da.

• Koordinatzailea: Nekane Barandiaran
• Liburua eskuragarria udal liburutegian
• Informazioa eta izen-ematea: 943 11 12 85 - liburutegia@hondarribia.eus