Iaz bezala, aurten ere Geroa, hemen egitasmoa antolatu du EIEk, BBK Kunaren babesarekin. Urte osoan zehar hainbat solasaldi eta ikastaro antolatuko dituzte Elkarteko bazkide diren idazleen parte-hartzearekin.

Lehena martxoaren 26an izango da, Bilboko Kuna espazioan, arratsaldeko 19:00etan.

Alaine Agirre, Patxi Zubizarreta eta Irati Goikoetxea etorkizuneko gorputzen inguruan jarriko dira berbetan. Besteak beste, honako galdera hauen inguruan egingo dute hausnarketa: Nola biziko dugu gorputza etorkizunean? Identitatearekin lotuko al dugu? Zein izango dira erreferente estetikoak? Ziborg gorputzak izango al ditugu?