Korrika Abetxukotik sartuko da Gasteizera eta Akaiatetik aterako da. Ia 4 orduko ibilbidea egingo du, hiriko auzoak euskararen alde zeharkatuz.

Korrikaren ibilbidea:

Km	Auzoa	Ordua
1016	Abetxuko	19:32:03
1018	Arriaga-Lakua	19:37:22
1021	Zaramaga	19:44:22
1025	Pilar	19:52:54
1027	Koroatzea	19:57:12
1029	Txagorritxu	20:01:29
1033	Gazalbide	20:10:20
1045	Sansomendi	20:37:59
1047	Borinbizkarra	20:42:07
1049	Zabalgana	20:47:50
1054	Ariznabarra	20:59:09
1058	Mendizorrotza	21:07:12
1063	San Cristobal	21:18:19
1065	Adurtza	21:22:52
1067	Babesgabeak	21:28:35
1071	El Anglo	21:36:35
1073	Aranbizkarra	21:42:34
1078	Zabalgunea	21:54:16
1080	Alde Zaharra	21:59:10
1086	Judimendi	22:14:38
1089	Arana	22:22:36
1091	Salburua	22:27:44
1099	Errekaleor	22:46:24
1108	Elorriaga	23:13:45
1109	Arkauti	23:22:12

» Kontsultatu ibilbidea Korrikaren webgunean

23. edizioa

1980an lehen Korrika antolatu zenetik, euskararen alde antolatzen den ekitaldirik jendetsuena eta garrantzitsuenetakoa da. Ordudanik, 22 Korrika eta 43 urte igaro dira.

Aurten 23. edizioa ospatzen da, eta martxoaren 14an hasi zen. 11 egunez eta 10 gauez, eta gelditu gabe, Korrikak Euskal Herria zeharkatuko du. Bi mila kilometro baino gehiago euskararen alde, adin eta mota guztietako milaka partaiderekin, gau eta egun gelditu gabe.

Aurkezpen bideoa

Korrikaren mezua (AEK)

"Harro herri, euskaraz jakin zein ez, har dezagun

dimentsio orotan eragiteko konpromisoa, herria batuta.

Harrotasunez! Konplexuak gainetik kendu,

mugi dezagun euskararen herria, ingurua mugiarazi arte.

Harro hadi Kantauri itsasoa,

Arabako mahats, Bardeako buztin.

Harro zite Pirinioetako elur, Meatzaldeko burdina.

Elkarrekin nahi ditugu pausoak egin,

espazio berriak irabazi eta, hitzez zein ekintzez,

aldarri egin.

Gauden harro garenaz, eta egiten dugunaz.

Bete ditzagun etxe eta kaleak euskaraz.

Harro plazan, online zein kanpoko bizitzan.

Harro herri, eta harro KORRIKAn!"

Informazio gehiago

Egilea: Korrika.eus