Iruña Rockek orroa zabalduko du Nafarroa Arenan ostiral-larunbatetan, besteak beste, talde hauen eskutik: Soziedad Alkoholika, Zea Mays, ETS, Los Chikos del Maíz, Iseo & Dodosound, Gatibu eta Zoo valentziarrak, beren agur biran.

Jaialdiaren seigarren edizioa ostiralean, martxoak 1, eta larunbatean, martxoak 2, egingo dute. Lehen jardunaldian joko dute Soziedad Alkoholikak, Zea Maysek, Kaos Urbanok, Los Chikos del Maizek, Pubic Enemyk, The Liok eta Manny Calaverak.

Larunbatean, hauen eskutik jarraituko du jaialdiak: En Tol Sarmiento, Iseo & Dodosound, Zoo, Gatibu, Xavi Sarrià, Aphonnic, Sara Socas eta DEM.

Bigarren urtez, agertoki osagarri bat izango da jaialdian, Nafarroako musika proposamenak tokia izan dezaten beren musika erakusteko. Cliford, Redox, Engantxados, Muga Zero, MC Plata, Rig3l, Betania eta Exuvia talde eta musikarien doinuak entzungo dira bertan.

Sarrerak jaialdiaren webgunean daude salgai, 35 euroan egun batekoak 55 euroan abonuak.