Eibarko Antzerki Jardunaldiak 2024ren barruan.

El jardin de las posibilidades 1920an Federicok idatzi eta 2015ean Londresen enkantean jarrita amaitu zuen maitasungutun baten istorioa da. Isildutako emakume baten istorioa, Granadako jenioari zer gertatu zitzaion jakiteko gehien egin zuen pertsonarena. Lorcaren heriotzari buruzko lehen ikerketaren historia. Antzerkigile handiaren bizitzari buruzko ibilbidea dakarkigu lanak, Emilia Llanos lagunaren begiradapean. Barkatzen jakitearen garrantzia, idealizazioa ezkutu gisa, baldintzarik gabeko maitasuna eta gerraren basakeria jorratzen dira Anabel Díez eibartarrak zuzendutako eta Carlos Troyanok idatzitako antzezlan honetan.