Datorren ASTEAZKENEAN, OTSAILAK 21, Karmele Jaioren “Amor Capital” liburuaren aurkezpena egingo da Bilboko Udaleko Bidebarrieta Kulturgunean.

Hitzordua Bidebarrieta Liburutegiaren Areto Nagusian izango da 19:00etatik aurrera.

“Amor Capital” liburuaren laburpena honakoa da: Martin hil egin da. Hiletan, Olgak, urtebete lehenagora arte bere maitalea izan zenak, pentsatzen hasten da nola obsesionatu zen izan zuten harreman horrekin eta zein txarto geratu zen Martinek esan zionean ez zuela gehiago ikusi nahi. Momentu horretan, Olga Martinekiko mendekotasun emozionala duela aitortzen hasten da eta, aldi berean, haren heriotzaren arrazoia zein izan daitekeen bilatzen hasten da. Bien bitartean, Laia, Olgaren ikasleetako bat, doktore-tesia idazten ari da: maitasunaren bidegabekeriaren analisia da eta nola emakumeei amodioa haien bizitzaren erdigune bihurtzen nola irakatzi zaienari buruzkoa izango dena.

Karmele Jaio (Vitoria-Gasteiz, 1970) hiru kontakizun-liburu idatzi ditu, azkena “No soy yo” (Destino, 2022), poesia-liburu bat, eta beste lau eleberri: “Las manos de mi madre” (2008), zinemara eraman zen eta sari ugari jaso zituen, hainbat hizkuntzetara itzuli dute eta bere ingelesezko bertsioak English Pen Translates Award saria jaso zuen 2018an; “Música en el aire” (2013), “La casa del padre” (Destino, 2020), kritikaren eta publikoaren aldetik arrakasta handia lortu zuen, eta Euskadi Literatura Saria eta urteko euskarazko Libururik onenaren sariak jaso zituen Nafarroako Liburu Denden Elkarteak eta 111 Akademiak egotzita; eta azkenik, “Amor Capital”.  Bere lanak zinemara eta antzerkira eraman dira eta bere kontakizunak hainbat antologiatarako aukeratu izan dira, hala nola Best European Fiction 2017 (Dalkey Archive Press, 2017) eta The Penguin Book of Spanish Short Stories (Penguin Classics, 2021).

BIDEBARRIETA KULTURGUNEA

BIDEBARRIETA KULTURGUNEA Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago.

• Hitzordu honetarako sarrera doakoa da eta sarrera librea izango da lekua bete arte.
• Bertaratzerik ez badago, aurkezpena streaming bidez jarraitu ahal izango da Bidebarrieta Kulturgunearen YouTubeko kanalean.