Filmoteka Nafarroan programaren barruan proiektatuko da eta egileak bertan izango dira lana aurkezteko: Iban Toledo Ibañez (zuzendarikidea) eta Eneko Etxeberria (protagonista).

Hizkuntza: Jatorrizko bertsioa gazteleraz eta euskaraz; azpitituluak gazteleraz.

Bortxazko desagertze batek desagertutako pertsonaren bizitza amaitzeaz gain, orbain emozional handia sortzen du familietan eta gizartean. 80ko hamarkadaren hasieran, José Miguel Etxeberria Alvarez, Komando Autonomo Antikapitalistetako kidea, desagertu egin zen. Komunikatu gurutzatuen , hainbat aldarrikapenen eta axolagabekeria judizialaren artean, bere familia desagerpenari erantzuten saiatu zen.

Bilketa prozesuak sufrimendu handia sortu dio Enekori, Jose Miguelen anaiari. Enekoren gurasoak semea non zegoen jakin gabe hil dira. Bigarren indusketa horretan, gorpuzkiak agertuko balira, zauria sendatzeko unea izango litzateke. Ez da erabat itxiko, ez baitugu jakingo nortzuk izan ziren hiltzaileak, nork agindu zuen erailtzea eta zergatik.