BilbaoArteko URIBITARTE40 Aretoak bisita gidatuak eskainiko ditu Jorge Isla «Kontrol materiala, kontrol ukiezina» erakusketaren artistarekin. 

Publiko orokorrarentzako bisita gidatua da, entzumen-dibertsitate funtzionala duten pertsonentzat egokitua. Aldi bereko bisita gidatua gaztelaniazko zeinu-hizkuntzaz eta ahoz.

Kontrol materiala, kontrol ukiezina Jorge Isla artista huescatarraren (Huesca, 1992) erakusketa monografiko bat da; bertan, artistak bere azken ekoizpenak aurkezten ditu BilbaoArteren URIBITARTE4O Aretoan, eta zenbait gairen inguruan hausnartzen du, hala nola artisten lana aitortzeko eta saritzeko aplikatzen diren parametroak, artelanaren prezioa eta balioa, aurkezpenaren eta errepresentazioaren ideiaren moduko kontzeptuak, edo binomio batzuk: publikotasuna-pribatutasuna, ikusgai dena eta ikusezina dena; kopia eta originala.

Bertaratzea libre lekua bete arte.