• Azken ordua (otsailak 10): Bertan behera geratu dira, haizeagatik, arratsaldean Donostian eta Irunen egitekoak ziren desfileak.
  
  

Irungo 2024ko Inauteriak otsailaren 8tik 13ra ospatuko dira.

Hona hemen Irungo Inauterien 2024ko programa osoa:

• Otsailak 3, larunbata

19:00: Alberto Anguera plazatik irtengo da Kaldereroen Konpartsa, Irungo Atsegiñak antolatuta. Ibilbidea: Oiartzun kalea, Hondarribia kalea, Zubiaurre kalea, Geltoki kalea, Colon pasealekua, Foru kalea, kale Nagusia eta San Juan plaza (amaiera).

• Otsailak 4, igandea

8:30: Erdialdeko eta Alde Zaharreko kaleetan, diana berezia, Irungo Txistulari Taldearen eskutik. Inauteriekin lotutako zenbait doinu joko dituzte.

12:00: Santiago kaletik abiatuko da INUDE ETA ARTZAINEN konpartsa, Eraiki Dantza Taldeak antolatuta. Ibilbidea: Eskoleta kalea, Eliza kalea, San Juan plaza (geldialdia), kale Nagusia, Foru kalea, Colon pasealekua, Zabaltza plaza (dantza-emanaldia Udalaren Musika Eskolako Bandak lagunduta) eta Luis Mariano kalea (amaiera).

• Otsailak 8, osteguna

19:00: Zanpantzarren konpartsa Alberto Anguera plazatik irtengo da, gaita-jotzaileek, Irungo Musika Eskolako ikasleek, Auntza Trikitixa Taldeak, Txingudiko Dultzaineroek eta Bidasoko Erraldoiek lagunduta. Ibilbidea: Oiartzun kalea, Hondarribia kalea, Zubiaurre kalea, Geltoki kalea, Colon pasealekua eta Zabaltza plaza (amaiera).

19:30: ZANPANTZAR Zabaltza plazan jarriko dute eta ERRALDOIEN BALTSA dantzatuko dute Bidasoko Erraldoiek.

• Otsailak 9, ostirala

20:00: Amaia KZn, 2024ko Inauterietako konpartsen aurkezpena. Sartzeko gonbidapena behar da.

• Otsailak 10, larunbata

09:00: LANDAGUNEKO INAUTERIAK. Eraiki Dantza Taldea Bidasoa eta Behobiako baserrietan barrena ibiliko da.

09:30: LANDAGUNEKO INAUTERIAK.  Ibarla Meaka Dantza Taldea Meakako baserrietan barrena ibiliko da.

10:00: LANDAGUNEKO INAUTERIAK. Txorimaloak Soinu Taldea Anakako baserrietan barrena ibiliko da.

12:05: Euskal Herri Inauteria Pio XII.aren plazatik irtengo da. Ibilbidea: Serapio Mujika kalea, Juan Arana, Luis Mariano, Zabaltza plaza, Colon pasealekua, Foru kalea, kale Nagusia eta San Juan plaza (amaiera).

17:00: Inauterietako desfilea Letxunborro hiribidetik abiatuko da, Zanpantzar buruan eta konpartsek lagunduta, eta Prudencio Arbide kaleraino joango da.

20:30: San Juan plazaren inguruak musikaz girotuko ditu Burrunba elektrotxarangak.

20:30: Diskofesta Zabaltza plazan, 23:30ak arte.

• Otsailak 11, igandea

09:00: LANDAGUNEKO INAUTERIAK. Egoipar Meaka Dantza Taldea Meakan barrena ibiliko da.

09:00: LANDAGUNEKO INAUTERIAK. Arbesko plazatik irtengo da Meakako Adixkideak Dantza Taldea, eta Meaka auzoa barrena ibiliko da.

09:00: LANDAGUNEKO INAUTERIAK.    Kemen Dantza Taldea Olaberriko baserrietan barrena ibiliko da.

17:00: Inauterietako Herri Desfilea Letxunborro plazatik irtengo da eta Urdanibia plazaraino joango, Zanpantzar eta Inauterietako konpartsak bertan izango direlarik.
 

• Otsailak 13, asteartea

19:30: Zabaltza plazatik irtengo da Sardinaren Ehorzketaren eta Zanpantzarren Erreketaren segizioa. Ibilbidea: Colon pasealekua, Foru kalea, kale Nagusia eta San Juan plaza (amaiera).