Inazio zaharra bakarrik bizi da.  Bere egunerokoa erritu txikiz josita dago, eta erritu horiek aktibo eta animatuta mantentzen dute. Eta, horietako bat bereziki gustatzen zaio: askaria, te katilu bat eta gazta-galleta gozoak. Arratsaldero, esertzeko eta, banan-banan, bizkotxo gozo horiek dastatzeko unearen zain egoten da.  Baina gaur bere errutina aldatu egin da: Inaziok galleta-kutxa ireki duenean... Hutsik dago! Nork jan ditu? Kutxaren hondoan dagoen zuloak ematen du enigmaren erantzuna.

Giza tamainako txotxongilo batek eta bere kontrapuntuak, sagu txiki batek, enpatiaz eta adiskidetasunaz gogoeta eginaraziko digute.

Proba ditzagun gazta-galleta hauek!