1972. urteko martxoaren 25ean lehen ikuskizuna egin zuten Kixki, Mixki eta Kaxkamelon pailazoek Donostiako Parte Zaharreko Kresala Elkartean. Xabier Otaegi, Piter Ansorena eta Andoni Ezeiza ziren aktoreak. Saio hura euskal pailazotzaren abiapuntu gertatu zen. Izen horiekin edo geroagoko Txirri, Mirri eta Txiribiton berrituez, Andoniren ordez Txema Vitoria hasi baitzen, Euskal Herrian barrena hamaika ikuskizun, Euskal Telebistan makina bat saio egin eta euskal musika jorratu dute, eta haurrei eskainitako errepertorio zabala eta landua osatu.

Egun, Txirri, Mirri eta Txiribiton pertsonaien azpian beste aktore batzuk gaude, Peru eta Kattalin Ansorena, eta Juanma Zaldua, eta gogo onez jarraitzen diogu barrea eragiteko jardunari

 Pailazo ikuskizunean gure sorburu den clownari eskainia izango da. Txirri, Mirri eta Txiribitonenbetiko kantak ere saioan agertuko dira