Urrian kaleratuko den Lied koadernoan Joserra Senperena zazpi euskal idazleren olerkietan oinarritu da lied sorta bat konposatzeko: Mari Luz Esteban, Juan Luis Zabala, Leire Bilbao, Itziar Ugarte, Josu Goiko, Goizalde Landabaso eta Jon Gerediaga. Musikalki, erromantikoak- Schubert, Schumann-, XX. mendeko euskal konpositoreak -Sorozabal, Aita Donostia- eta gaur egungo musika uztartzen dira Senperenaren lan honetan. Zuzenekoan, diskoan bezala, Maite Arruabarrena mezzosopranoa izango du ondoan.