Sarreren salmenta ekainaren 26ko 11:30etik aurrera.

Calderón de la Barcaren La vida es sueño maisulanak giza bizitzaren predestinazioaren arazora hurbiltzen gaitu, bai eta gure bizitzako gertaeretan askatasun-guneak aurkitzeko gaitasunera ere. Urrezko Mendeko literatura eszenikoaren mirari bat da, edertasun poetikoa, gatazka dramatikoa eta sakontasun filosofikoa bateratzeko duen gaitasunagatik. Cheek by Jowl Espainiako Urrezko Mendera itzuli da (1989an Fuente Ovejuna egin zuten Londresko National Theatren), haien gaztelaniazko lehen ekoizpenarekin, Declan Donnellanek zuzenduta eta Nick Ormerodek diseinatuta. Biek beren zigilua jarri dute, eta aktoreari, testuari eta espazioari eman diete lehentasuna.

Printze bat mendi batean kateatuta. Gizonez mozorrotutako neska gazte bat mendeku bila. Iraultza, maitasuna, hilketa... baina, benetan erreala da errealitatea? Edo amets bat? Ateak dituen horma berde batek ongietorria ematen die ikusleei. Argiak itzaltzen direnean, aktoreen eta ikusleen arteko harremana ezartzen da. Calderón entzuten dugu galdezka: "Zer da bizitza?". Eta haren erantzuna: "Ilusio bat, itzal bat, fikzio bat. Bizitza ametsa baita, eta ametsak amets baitira".

Taldea

Egilea: Pedro Calderón de la Barca
Egokitzapena eta dramaturgia: Declan Donnellan eta Nick Ormerod
Zuzendaria: Declan Donnellan
Antzezleak: Goizalde Núñez, Ernesto Arias, Rebeca Matellán, David Luque, Manuel Moya, Alfredo Noval, Irene Serrano, Antonio Prieto eta Prince Ezeanyim
Musika-konposizioa: Mariano García
Zuzendariaren laguntzailea: Josete Corral
Eszenografia eta jantziak: Nick Ormerod
Argiztapena: Ganecha Gil
Mugimenduko aholkularia: Amaya Galeote
Produkzioa: Compañía Nacional de Teatro Clásico, Cheek by Jowl, LAZONA Teatro
Produkzio exekutiboa: Elisa Fernández, Miguel Cuerdo
Laguntzailea: Barbican Centre, Scène Nationale d’ALBI•Tarn