Bilboko Udal Musika Banda: "Oroitzapenak" (2023-2024 denboraldia)

Bilboko Udal Musika Bandak eta Vincent David saxofoi altu ospetsuak euren bideak lotuko dituzte igande honetan, abenduak 3, eguerdiko 12:00etatik aurrera “Islak” izeneko kontzertuan. Publikoan zirrara piztuko duen ikuskizuna José Rafael Pascual-Vilaplana maisuak gidatua izango da.

Vincent David (Paris, 1974) gaur egun musika garaikidearen eta inprobisazioaren esparruan nortasun gehien duen saxofoi-jotzaile eta musikagileetako bat da. Honela, Banda bilbotarra, saxofoi alturako eta bandarako Vincent Davidek sortutako ‘Reflets’ izeneko kontzertuan murgilduko da, bere konpositoreak bakarlari gisa interpretatuko duena.

Gainera, emanaldiak musikaren historian hiru une handi ospatzeko balioko du. Alde batetik, XX. mendeko banda-errepertorioko pertsonaia handienetako baten jaiotzaren mendeurrena: Clifton Williams maisu iparramerikarra. Bestetik, duela 150 urte Serguéi Rajmáninov (1873-1943) jaio zen Stáraya Rusen, erromantizismoaren osteko konpositore handienetako bat eta XX. mendeko piano-jotzaile garrantzitsuenetako bat. Eta azkenik, Aleko operaren estreinaldian parte hartu zuen musikarietako bat Piotr I. Tchaikovsky (1840-1893) izan zen. Haren heriotzaren 130. urteurrena ospatuko da, eta haren musikak amaiera borobila emango dio kontzertuari.

Ikuskizunaz gozatzeko sarrerak dagoeneko salgai daude Euskalduna Jauregiko leihatiletan, www.euskalduna.eus webgunean eta Kutxabank kutxazainetan.

Emanaldi honen ostean, Gabonen aurretik eta Arriaga Antzokiko kontzertu-zikloa inauguratuz, abenduaren 20an, Bandak Ballets Olaeta konpainiarekin lan egingo du kontzertu berezi batean, musika eta dantza fusionatuz, bai folklorikoa bai klasikoa, biak uztartuz beren koreografietan. Muroko maisuak zuzenduko du talde bilbotarra "Gabonak dantzatzen" izeneko kontzertu hau. Bertan, Pelayo Marinen "Abestuten eta dantzaten", José Franco Ribateren "Lau Urtaroak" eta Jesús Guridi euskal konpositore handiaren "Diez melodías vascas" interpretatuko dira, besteak beste.