Ekitaldiak

"THIS IS BASQUE DESING 2023"

Bilbao 2023(e)ko azaroaren 24(e)tik 2023(e)ko azaroaren 26(e)ra
  • "THIS IS BASQUE DESING 2023"

Azkuna Zentroak bere diseinu eta sorkuntzako ekosistema erakutsiko du This is Basque Design Merkatuaren edizio berri batean.

Azaroko azken asteburuan, Azkuna Zentroko diseinu-komunitatea osatzen duten hogeita hamar sortzaileek beren proiektuak eta produktuak erakutsiko dituzte Atarian, eta beren prozesuak erakutsiko dituzte, publiko desberdinei zuzendutako topaketen eta tailerren bidez.

Azkuna Zentroak 2019an jarri zuen abian ¿“This is Basque Design”, bertako diseinua eta sormen-industriak sustatzeko helburuarekin. Proiektua DendAZen gauzatu zen, Azkuna Zentroaren saltokian; eta lau urte hauetan diseinuaren erreferentzia bihurtu da. Espazioa show room dinamiko eta bizia da, eta diseinatzaileen lana eta sorkuntza-prozesua balioesten ditu, erosketa sortzailearen kontzeptua sustatuz. Beraz, produktuaren balio erantsia du bereizgarri, agerian jartzen baitu bertakoa dena, jasangarritasuna, Do It Yourself ikuspegia, esklusibotasuna eta, batez ere, bertako sormena eta diseinua ikustaraztea.

This is Basque Design Merkatua¿ aukera ezin hobea da DendAZ osatzen duten enpresen atzean dagoen proiektu pertsonala eta profesionala ezagutzeko: bertako ekoizpena, artisautzakoa, kalitatezkoa eta jasangarritasunarekin konprometitua.

PROIEKTUEN ERAKUSKETA

dendAZen enpresak: Abana Bilbao (Altzarien eta osagarrien diseinua), Aerre Design (Diseinua), Ailanto (Moda), Amakuyi (Diseinua), Angélica Barco (Diseinua) , ANTI Liburudenda (Liburudenda) , Barock Jewerly (Bitxigintzako diseinua),  Cookplay (Tresneria diseinua), Dots and Roots (Diseinua), Elena Ciordia (Ilustrazioa), Fournier (Jokoa diseinua), FTBCWL (Diseinua e ilustrazioa), H05 (Moda), Higi Vandis (Ilustrazioa), Josune Urrutia (Ilustrazioa), Katxi Klothing (Moda), Kiribiltxo (Bitxigintzako diseinua), Kostako (Moda eta ilustrazioa), KreativeArt (Ilustrazioa), Malús Arbide (Moda diseinua),  Mario Gaztelu (Ilustrazioa), Mess19 (Moda diseinua), MRLASPIUR (Bitxigintzako diseinua), Palopalú (Jokoa diseinua), Susana Blasco (Ilustrazioa), The Real Studio (Osagarria diseinua), Tytti Thusberg (Moda), Yolanda Sánchez (Diseinua), Ziriak (Altzaria diseinua), Zioru (Moda).

Talentu berriak: Amaren Argia, Marta Sanz eta Kostako (Moda eta ilustrazioa).

TAILER ERAKUSGARRIAK

“This is Basque Design Merkatuan”, diseinu- eta fabrikazio-teknika desberdinak ikasi eta praktikatu ditzakezu, baita emaitza etxera eraman ere.

  • Margotu bitxi bat BaRock jewelry-rekin

Diseinatzaileak emango duen tailer honetan, parte-hartzaileek aukera izango dute sorkuntza-prozesuaren zati bat esperimentatzeko, belarritako batzuk nahi duten gisan margotuz. Koloreak aukeratuz, uztartuz eta aplikatuz, pieza berezkoa eta bakana lortuko dute.

Eguna: Ostirala, azaroak 24, 16:30etik 18:30etara
Espazioa: Yan eskola aretoa
Parte-hartzaileen gehieneko kopurua: 10
Iraupena: 2 ordu
Prezioa: 12€ / 9€ AZ txartelarekin - SARRERAK

BaRock jewelry markak arimaren alde basatiarekin lotzen du natura. Estibaliz Yuguerok harkaitzen, loreen, harrien eta itsasoaren geometrian hartzen du inspirazioa, eta berrinterpretatu eta birdiseinatzen du, erretxinean eta 3Dn inprimatutako bitxi eskultoriko bihurtzeko.

  • Sortu Ortzadar nezeserra

Amakuyi enpresa Amaia Barrenetxeak duen grinaren emaitza da, artisau-lana eginez pieza bakar eta pertsonalak sortu nahi baititu, serieko produktuen aurrez aurre jarriz.

Eguna: Larunbata, azaroak 25, 11:30etik 13:30etara
Espazioa: Yan eskola aretoa
Parte-hartzaileen gehieneko kopurua: 10
Iraupena: 2 ordu
Prezioa: 12€ / 9€ AZ txartelarekin - SARRERAK

Ehungintzako tailer hau aukera ona da nezeser pertsonalizatu bat sortzeko, hainbat teknika erabiliz. Diseinatzaileak prozesuan parte hartzen duten pertsonak gidatuko ditu. Hasieran, olanazko estutxea margotuko dute, eta, gero, litsak brodatu, eta larruzko pieza bat erantsiko diote kremailera apaintzeko.

azkunazentroa.eus

Laburrean

Non