Madrigal familiaren historian bada elezahar bat, indarkeria dela-eta haien jaioterritik ihes egin behar izaten dutenean piztu eta inoiz itzaltzen ez den kandela baten gainekoa. Amatxi Alma (Maria Cecilia Botero) da familiaren magiaz arduratzen dena, familiako kide bakoitzari “oparia” jasotzeko adinera iristen denean talentu harrigarriren bat ematen dion magiaz, Madrigaldarrenak herriko sendirik garrantzitsuena izaten segitu dezan. Baina Mirabel Madrigalek (Stephanie Beatriz) ez du talenturik, garaia iritsi zitzaionean ez baitzen deus gertatu. Inork ez daki zergatik, baina badirudi etorkizuna asmatzeko gauza zen osaba Brunoren (Jhon Leguizamo) desagertzearekin loturik dagoela horren arrazoia.