Hemen da Tolosako Nazioarteko Abesbatza Lehiaketaren 54. edizioa. Urriaren 28tik azaroaren 5era bitarte ospatuko da Tolosan, eta aurten sei ahots taldek eta hamabi ganbera abesbatzek hartuko dute parte, horien artean euskal talde batek. 16 herrialdeetako 18 abesbatza elkartuko dira Tolosan, 530 pertsona guztira. Gainera, pandemiaz geroztik, sei abesbatza etorriko dira Asiatik lehen aldiz, beraz, edizio berezia izango da aurtengoa.

Lehiaketaz gain hiru kontzertu berezi egongo dira: Hodeiertz abesbatzaren 40. urteurreneko kontzertua, kide ohiekin, German Ormazabal pianistaren eta Maite Arruabarrena mezzosopranoaren errezitala, eta jaialdiari itxiera emateko, Suhar abesbatzaren kontzertua.

Gainera, Tolosako eskaintzatik kanpo 58 kontzertu egingo dira antolatu duten abesbatza kontzertu-zikloaren baitan, Euskal Herriaz gain, Aragoin eta Kantabrian ere.

Abonoak eta sarrerak salgai

Egitaraua hemen dago ikusgai eta sarrerak eta abonoak salgai daude dagoeneko webgune honetan. 

Helduen abonoak 65 euroko prezioa du aurten, eta helduen sarrerak, berriz, 15 eurokoa. Haurren sarrera 8 eurotan dago. Amaiera ekitaldirako helduen sarrerak 18 euroko prezioa du, eta amaiera ekitaldiko haurren sarrerak 10 euro balio ditu.

• Tolosako Abesbatza Lehiaketa 2023 (pdf)