"Mikel Albisu" Antzerki Erakustaldiaren bigarren edizioa bueltan da aktore getxotarraren omenez. Urriaren 27tik 29ra bitartean antzerki amateurraren hiru proposamen ezberdin izango ditugu ikusgai Muxikebarrin.

Urriak 27: BAILE DE HUESOS (Teatro estudio de Donostia/San Sebastián). 75 minutu.

Baile de huesos Heriotzaren zain dauden lau pertsonaren istorioa da, bi gizon eta bi emakume, beren ametsekin edo errealitatearekin zerikusirik ez duten lau pertsona, bizi nahi duten lau pertsona... edo hil nahi duten lau pertsona. Heriotza berezi bat, bizitzak berotzen duena, haiekin guztiekin mintzatuko da, eta bakoitzaren nortasuna, handinahiak, irrikak eta maniak ere agerian geratuko dira. Bizitza zein ederra eta beharrezkoa den ospatzeko obra bat, bizitzaren kantu bat besterik ez dena, edo, norbaitek esan zuen bezala, bizitzeko arrazoien zenbaketa bat, ezinbesteko azken bidaiaren zain gauden bitartean.

Urriak 28: EL PINCEL ROTO (La Revolera teatro). 80 minutu.

Picassok gerra baten izugarrikeria islatu zuen bere "Guernica" koadroan, Euskal Herriko herri txiki bateko sarraskian islatua. Bere koadroko pertsonaietako bakoitzak, gizakiak izan ala ez, lehen pertsonan adierazten dizkigu bere sentimendu kontrajarriak, bere agoniak, ihes egitea ezinezkoa den hesi batean mantenduak. Pintorearen pintzelkadak historian zehar etengabe errepikatzen den eta "Nahikoa da" oihukatzen duten errealitatea erakusten duten hitz bihurtzen dira, denontzat mina eta hondamendia eragiten duen inkongruentzia horren aurrean. Picassok, bere obra osatu ondoren, pintzela hautsi zuen, bere koadroa berriro gertatu behar ez denaren sinbolo, ikono bihurtuko zen itxaropenarekin.

Urriak 29: COW JAZZ CLUB (Athenea Teatro)

Zapuztuta, deseraikita, eta bere hirugarren ezkontzaren porrotaren ondoren, Olenka edan eta mozkortu egiten da Cow Jazz Clubean, non geldirik dauden gizonek bere bizitza eskuzabaleko kontakizunak entzuten dituzten. Athenea Teatro konpainiak A. Chejoven "La Buena Mujer" ipuinean inspiratutako bere azken lana dakar, performancearen eta antzerkiaren arteko erdibidean, non zuzeneko musikak ekintza poetikoa osatzen duen. Urragarria, atsegina, dibertigarria, baina batez ere, sakona. Mugarik gabe maitatzera ausartu ziren emakumeen arima haragi bizian.

• Sarrera: 5 €.
• Abonua: 12 €.
• Hizkuntza: gaztelania.

Saltokiak:

• Kutxabank-en orotarako kutxazainak
• https://ticket.kutxabank.es/aulacultura/
• Muxikebarriko Informazio-bulegoa (8:30-14:30, astelehenetik ostiralera)
• Muxikebarriko txarteldegia (Astelehenetik ostiralera: 10:30-13:30 / 16:30-19:30 eta ikuskizunak hasi baino ordubete lehenago)
• Romo Kultur Etxea (Astelehenetik ostiralera: 9:00-14:00 / 16:00-18:00)