Kultura eta Kirol Ministerioko Liburuaren Zuzendaritza Nagusiak iragarri du Liburutegi Lankidetzarako azken Kontseiluan, Palma de Mallorcan, Liburutegi Publikoen XI. Kongresu Nazionala egingo dela Nafarroan. Ekitaldia Iruñeko Baluarte Jauregian izango da, urriaren 18tik 20ra, eta Demokrazia, irakurketa eta informazio eskubidea izango ditu izenburu.

Topaketa honen azken edizioa Kanaria Handiko Las Palmasen izan zen, eta bi urtean behin egiten da, liburutegi publikoei buruzko panorama nazionala ezagutzeko asmoz. Bertan, autonomia-erkidego guztietako profesional ugari biltzen dira, eta liburutegi-egoeraren erradiografia eguneratua erakusten du, etorkizunerako lan-ildoak ezartzeko aukera ematen duena.