Badira film eta abesti gogoangarriak, eta El Rey Leon horietako bat da inolako zalantzarik gabe. Oraingo honetan dakarkiguten ikuskizunaren osagaiak honako hauek dira: ikuslearekiko eragin-trukea, ahots zoragarriak zuzenean, eszenografia bikaina eta koreografia erakargarria.

El Rey Leon laneko doinu guztiak izanen ditugu entzungai, horietako batzuk inguru hauetan jendaurrean inork inoiz abestu ez dituenak. Ikuskizun paregabea da, aurkezle lana egiten duten bi zeremonia maisuk bideratua, eta lau abeslarik eta lau dantzarik ez ezik, hiru metroko jirafa batek ere hartzen du parte bertan.