Muskizek bere rock jaialdia izango du, Meatzaldean ez ezik, Bizkaia osoan ere erreferente izan dadin. Muskizko udalak, Doberel Elkartearekin elkarlanean, doako musika ekitaldi hau antolatu du, irailaren 30ean arratsaldeko 19:30etatik aurrera San Juan zelaira 5 kontzertu eramango dituena.

Duela aste batzuetatik itxita dagoen programak Insurrectos, Moonshine Wagon edo Sut & Hil bezalako taldeak izango ditu. Baina, zalantzarik gabe, kartelburua bi rock talde enblematikoentzat da. Muskizera Parabellum talde mitikoa hurbilduko da. Talde horrek 2003an ekin zion berriro bere jarduerari, eta jarraitzaile-talde garrantzitsua izaten jarraitzen du. Izen hauek izan ezik Leize talde gipuzkoarra ere egongo da, Euskadin sortutako rock talde garrantzitsuenetako bat.

"Muskizentzat luxua da banda hauek edukitzea, eta gainera lehenengo edizioan", dio Jorge Rodriguezek Doberel Elkartetik. "Jaialdia sendotzea espero dugu, Bizkaian erreferentzia izatea eta Muskiz mapa musikalean jartzea".

Bestalde, Muskizko Udaletik, Eduardo Briones alkateak babesa adierazi dio Doberel Elkarteari "herria rock musikaren erreferentzia bihurtzeko ahaleginean, herriko panorama kulturala osatzen duen eta datozen urteetan jarraitzea espero dugun horretan". Ainara Leiba Kultura zinegotziak adierazi duenez, "harro egoteko modukoa da ekimena erakunde muskiztar batetik abiatzea, urte osoan zehar musika kultura gero eta jende gehiagorengana irits dadin lan egiten baitu".