Ja! Bilbao 2023 - Umorezko Literaturaren eta Artearen Nazioarteko Jaialdia

Zentzugabekeria da magiari eskainitako edizio batean mago handi bat ez egotea. Handietan handia da Jorge Blass, eta, izan ere, haren talentu goiztiarrak eta ibilbide ezagunak mundu osoko ikusleak eta kideak liluratu ditu, baita David Copperfield bera ere.

Arte hau zabaltzeko ahaleginean, magiari buruzko programak zuzentzen ditu, eta Madrilgo Nazioarteko Magia Jaialdiaren sortzailea eta zuzendaria eta Abracadabra Fundazioaren patroia eta magoa da. Nola da posible xisteratik hainbesteko magia alaia ateratzea? Maite Esparzak trukoa ezagutzeko ahaleginak egingo ditu.

*Jaialdiko ekitaldiak doakoak dira, eta gonbidapenek zenbakia dute (irailaren 23tik aurrera webgunean erraz deskargatu ahal izango dira).