Ténéréko zuhaitza Saharako basamortu erdian dagoen zuhaitza da. Luzaroan lurreko zuhaitzik bakartiena eta isolatuena izan da.

Baina Ténéréko zuhaitza ez da beti bakarrik egon; duela milioika urte, bera dagoen leku horretan bertan, bera bezalako beste zuhaitz batzuk, animaliak eta ura bizi ziren. Batez ere, ura.

Ténéréko zuhaitzari izugarri gustatzen zaio garai hori gogoratzea, eta baita dantza egitea eta haizearekin mugitzea ere. Tuaregen karabanen bisitak gauerdian jasotzea atsegin du ere bai, edo eguzkia dela eta neka-neka eginda bere adarretan itzal pixka bat bilatzen duten ibiltarienak. Ténéréko zuhaitzaren istorioa sustrai, argi eta itzal ipuina da.

Ténéréko zuhaitza ikusizko eta poesiako objektuen antzerki ikuskizuna da, dantzari batek eta aktore batek interpretatua.

Lan honen bidez, eskuargiak gailu eszeniko gisa eskaintzen dizkigun aukera ugariak aztertzen ditugu. Naturara hurbiltzen gaituen eta harekin gogoeta egiteko aukera ematen digun pieza da.